Samsung Galaxy A9 ມາພ້ອມ 4 ກ້ອງຫຼັງ

By on
Spread the love
  • 1
    Share

ຈາກຂ່າວລືຕ່າງໆນາໆໃນໄລຍະທີ່ຜ່ານມາ, ໃນທີ່ສຸດ ຊຳຊຸງ ກໍເປີດໂຕໂທລະສັບລຸ້ນໃໝ່ Galaxy A9 ທີ່ມາພ້ອມກ້ອງຫຼັງ 4 ກ້ອງ. ແມ່ນແລ້ວ ອ່ານບໍ່ຜິດ ມັນມາ 4 ກ້ອງ.

  • ກ້ອງທີ 1 ມີ 8 ລ້ານພິກເຊວ ເປັນກ້ອງສຳລັບມູມກວ້າງ 120 ອົງສາ ຮູຮັບແສງ f/2.4
  • ກ້ອງທີ 2 ມີ 10 ລ້ານພິກເຊວ ເປັນກ້ອງມູມແຄບ(ຖ່າຍໄກ) ຮູຮັບແສງ f/2.4 ເຊັ່ນກັນ ແລະ ສາມາດຊູມໄດ້ 2 ເທົ່າ
  • ກ້ອງທີ 3 ເປັນກ້ອງຫຼັກ ມີ 24 ລ້ານພິກເຊວ ຮູຮັບແສງ f/1.7
  • ກ້ອງທີ 4 ມີ 5 ລ້ານພິກເຊວ ຮູຮັບແສງ f/2.2 ສາເຫດທີ່ພິກເຊວຕໍ່າເພາະໃຊ້ເກັບພາບຊັດຕື້ນຊັດເລິກເວລາຖ່າຍພາບບຸກຄົນ (ຖ່າຍຊັດໜ້າເບີຫຼັງ)



Galaxy A9 ມາພ້ອມຂໍ Super AMOLED ກວ້າງ 6.3ນິ້ວ 2160 x 1080 ອັດຕາສ່ວນ 18:9 ແລະ ມີລູກຫຼິ້ນ Always on Display ຄືກັບ Galaxy S9 ແລະ Note 9 ເພື່ອສະແດງຂໍ້ມູນຕ່າງໆໃນຂະນະທີ່ໂທລະສັບຖືກລ໊ອກໜ້າຈໍ.

ຝັງຊິບ Snapdragon 660 ແລະ ມີ RAM 6 GB. ພື້ນທີ່ຈັດເກັບຂໍ້ມູນ 128 GB ສາມາດເສີມເມັມໄດ້ອີກ 512 GB. ຊໍ່າຊິເກັບຮູບເລີຍບາດນິ. ແຖມຍັງມີແຜ່ນສະແກນລາຍນິ້ວມືມາໃຫ້ອີກ.

ແບັດທົນທານ 3800mAh. ຫົວສາກແບບ USB Type-C ມີລະບົບສາກດ່ວນ ແຕ່ໜ້າເສຍດາຍບໍ່ມີລະບົບສາກໄຮ້ສາຍ.

ແຕ່ທີ່ໜ້າເສຍດາຍແມ່ນມັນມາພ້ອມກັບລະບົບປະຕິບັດການ Android 8.0 Oreo ເຊິ່ງໃນຍຸກນີ້ໜ້າຈະເປັນ Android 9 Pie ແລ້ວ.

ເຖິງຢ່າງໃດກໍຕາມ Galaxy A9 ກໍເປັນທາງເລືອກອີກທາງໜຶ່ງສຳລັບສາຍຖ່າຍຮູບເລີຍລະ. ເປີດໂຕມາໃນລາຄາປະມານ 725 ໂດລາສະຫະລັດ. ເຊິ່ງຄາດວ່າຈະວາງຂາຍໃນເດືອນພະຈິກປີນີ້ ແຕ່ຍັງບໍ່ຮູ້ວ່າຈະເປັນປະເທດໃດກ່ອນໝູ່.


Spread the love
  • 1
    Share

Leave a Reply

This site uses Akismet to reduce spam. Learn how your comment data is processed.