fbpx
21/02/2019 samsung galaxy fold

ໂທລະສັບ 5 ກ້ອງ ພັບຈໍໄດ້ Galaxy Fold


ຈະເອີ້ນວ່າໂທລະສັບ ຫຼື ຈະເອີ້ນວ່າແທັບເລັດດີ?

Samsung ເປີດໂຕ Galaxy Fold ໃນງານ Galaxy Unpack ທີ່ ຊານຟຣານຊິສໂກ ສະຫະລັດອາເມລິກາ.ຈໍຂະໜາດ 4.6ນິ້ວ ສາມາດຂະຫຍາຍອອກເປັນ 7.3ນິ້ວ ມາໃນລາຄາ 1,980 ໂດລາ ມີ 4 ສີ ດຳ, ເງິນ, ຂຽວ ແລະ ຟ້າ

Galaxy Fold ມາພ້ອມໜ່ວຍຄວາມຈຳ 12ກິກ ສະໜັບສະໜູນ 4G ແລະ 5G. ມີກ້ອງ 12ລ້ານພິກເຊວ ມູມກວ້າງ, 12ລ້ານພິກເຊມ ເລັນຊູມ ແລະ 16ລ້ານພິກເຊວເລັນກວ້າງພິເສດ ແລະ ຍັງມີກ້ອງ 10ລ້ານພິກເຊວສຳບັບຖ່າຍເຊວຟີ ແລະ 8ລ້ານພິກເຊວສຳລັບຖ່າຍຊັດໜ້າເບີຫຼັງ. ກ້ອງໜ້າ 10ລ້ານພິກເຊວ.

ມີຄວາມຈຸ 512ກິກ ແລະ ສາມາດໃສ່ເມັມເສີມແບບ microSD ໄດ້. ມີລະບົບສະແກນລາຍນິ້ວມີຢູ່ດ້ານຂ້າງຄ້າຍໆກັບ Galaxy S10e ແຕ່ບໍ່ແມ່ນ ລະບົບ ultrasonic

Galaxy Fold ເປັນໂທລະສັບມືຖືໜ່ວຍທຳອິດທີ່ສາມາດຂະຫຍາຍອອກເປັນ Tablet ໄດ້. ປະກອບໄປດ້ວຍໜ້າຈໍທີ່ສາມາດພັບງໍໄດ້. ປຽບດັ່ງເວລາເຮົາເປີດປຶ້ມອ່ານເລີຍ…ແອັດມິນມັກສຸດ

ສຳລັບນັກພັດທະນາໂປຣແກຣມກໍຕ້ອງເຈັບຫົວນ້ອຍໜຶ່ງເພາະຕ້ອງຂຽນໂປຣແກຣມໃຫ້ສະໜັບສະໜູນທັງສອງຈໍ ແຕ່ຖ້າແອັບໃດທີ່ຮັບຮອງຈໍລວງຕັ້ງ ແລະ ລວງນອນຢູ່ແລ້ວກໍບໍ່ມີບັນຫາຫຍັງ.

ນີ້ຖືເປັນອານາຄົດຂອງໂທລະສັບເລີຍບໍ່? ກັບມືຖືແທັບເລັດຂໍພັບໄດ້ ທີ່ທີມເທັກໂນໂລຊີຂອງຫຼາຍໆເຈົ້າກໍພະຍາຍາມຈະງັດຈຸດເດັ່ນອອກມາ ທັງ ຮົວເວີຍ ຊຽວມີ ແລະ ອອບໂປ. ມືຖືຈໍພັບໄດ້ ງໍໄດ້ແບບນີ້ກໍຈະນຳບັນຫາໃໝ່ມາກໍຄືຈໍຫັກ ແທນທີ່ຈະເປັນຈໍແຕກຄືແຕ່ເກົ່າ. ອັນນີ້ກະຕ້ອງເບິ່ງກັນໃນໄລຍະຍາວວ່າຈະຮັບປະລິມານການຫັກ ການງໍໄດ້ຫຼາຍພຽງໃດ

ແຕ່ໜ້າເສຍດາຍທີ່ Galaxy Fold ຈະວາງຂາຍແຕ່ໃນສະຫະລັດເທົ່ານັ້ນ ສ່ວນປະເທດອື່ນແມ່ນຍັງບໍ່ທັນໄດ້ຮັບການພິຈາລະນາເທື່ອ ສົງໄສເຂົາຈະລອງຕະຫຼາດກ່ອນ ແຕ່ດ້ວຍລາຄາ ແລະ ຄວາມສາມາດແລ້ວ ແອັດມິນຄິດວ່າໜ້າສົນໃຈພໍສົມຄວນ ເອົາມາອ່ານເວັບ yaklao ຄືຊິຄັກເນາະ

source:


ປະກອບຄຳເຫັນ

This site uses Akismet to reduce spam. Learn how your comment data is processed.