fbpx
25/06/2019 ແລ່ນເພື່ອນ້ອງ ລົດແກ້ວ

ລົດແກ້ວ ພ້ອມດ້ວຍຄະນະ ຮ່ວມຈັດງານ ” ແລ່ນເພື່ອນ້ອງ “


ລົດແກ້ວ ອິນທະກຸມມານ ນັກກິລາແລ່ນລານທີມຊາດລາວທີ່ສ້າງຊື່ສຽງໃຫ້ແກ່ປະເທດ ກວາດເອົາຫຼຽນທັງລາຍການນ້ອຍໃຫຍ່ໃນພູມິພາກມາຫຼາກຫຼາຍ ໄດ້ຮ່ວມມືກັບພະນັກສຶກສາທິການ ແລະ ກິລາ ນະຄອນຫຼວງ ຈັດງານ ແລ່ນເພື່ອນ້ອງ

ມາເທື່ອນີ້ລົດແກ້ວພ້ອມດ້ວຍຄະນະ ພະແນກສຶກສາທິການ ແລະ ກິລາ ນະຄອນຫຼວງ, ທີມງານແລ່ນໄລຍະໄກ ແລະ ເພຈ ຢາກແຕ້ມ & ຢາກເວົ້າ ໄດ້ຮ່ວມກັນຈັດງານ ແລ່ນເພື່ອນ້ອງ ຫຼື Run For School ເຊິ່ງຈະຈັດຂຶ້ນໃນ ວັນທີ 28/7/2019 ເວລາ 5:00ໂມງເຊົ້າ ທີ່ສວນເຈົ້າອານຸວົງ (ແຄມຂອງ). 

ໃນງານແລ່ນຄັ້ງນີ້ເວັບ YakLao.com ກໍໄດ້ປະກອບສ່ວນນຳເລັກໆນ້ອຍໆ ເພື່ອເປັນການຊ່ວຍເຫຼືອໃຫ້ແກ້ນ້ອງໆທີ່ດ້ອຍໂອກາດດ້ານການສຶກສາ.

ແລ່ນເພື່ອນ້ອງ ລົດແກ້ວ
ແຜນທີ່ງານແລ່ນເພື່ອນ້ອງ

ທ່ານ ນາງ ພານິດາ ໄຊຍະວົງ ເຈົ້າຂອງ ເພຈ ຢາກແຕມ & ຢາກເວົ້າ ໄດ້ກ່າວເສີມວ່າ ງານ ”ແລ່ນເພື່ອນ້ອງ” ແມ່ນງານແລ່ນເພື່ອການກຸສົນ , ນຳລາຍໄດ້ທັງຫມົດຊ່ວຍສົມທົບການປຸກສ້າງຫ້ອງຮຽນ, ຫ້ອງສະໝຸດ , ຫ້ອງນໍ້າ ແລະ ລະບົບນໍ້າສະອາດ (ນໍ້າກິນ~ນໍ້າໃຊ້) ໃຫ້ແກ່ໂຮງຮຽນທີ່ຫ່າງໄກສອກຫຼີກ ແລະ ຊ່ວຍສົມທົບສ້າງຫໍສະໝຸດໃຫ້ແກ່ໂຮງຮຽນ ອ້ອມແອ້ມ ນະຄອນຫຼວງວຽງຈັນ

ທ່ານທີ່ມີຈຸດປະສົງຢາກຮ່ວມສະໜັບສະໜູນງານ ຫຼື ສະມັກງານແລ່ນຄັ້ງນີ້ ສາມາດຕິດຕໍ່ໄດ້ທີ່ 020 58030808


ປະກອບຄຳເຫັນ

This site uses Akismet to reduce spam. Learn how your comment data is processed.