14/03/2019 captain-marvel-1

Review Captain Marvel – 7/10 ເຖິງບໍ່ຄ່ອຍຄັກ ແຕ່ແຟນໆຕ້ອງໄດ້ເບິ່ງ

ມາແບບບໍ່ສົມການລໍຄອຍປານໃດກັບໜັງ Captain Marvel ຮີໂຣ່ ຍິງແກ່ງແຫ່ງ MCU ທີ່ນັກວິຈານຕ່າງປະເທດເພິ່ນໃຫ້ຄະແນນບໍ່ດີປານໃດ ແຕ່ແອັດກະຕ້ອງໄດ້ເບິ່ງ.

ເນື້ອເລື່ອງ ມີຢູ່ວ່າ ແຄລໍ ແດນເວີ້ ມະນຸດທີ່ມີພະລັງລະດັບ cosmic ທີ່ເປັນຫນຶ່ງໃນສະມາຊິກ Star Force ຂອງ ເຜົ່າ ຄຣີ ໄດ້ຮ່ວມມືປົກປ້ອງຊາວ ຄຣີ ຈາກເຜົ່າພັນ Skull ທີ່ເປັນຄູ່ແຄ້ນຂອງ ເຜົ່າ ຄຣີ ມາດົນ ຈົນເກິດສົງຄາມລະຫວ່າງເຜົ່າພັນ ເຮັດໃຫ້ລະຫວ່າງຕໍ່ສູ້ ແຄລໍ ໄດ້ຕົກລົງມາບ້ານເກິດຢ່າງ ໂລກມະນຸດ. ຄວາມຊົງຈຳໃນຕອນໃຊ້ຊີວິດຢູ່ໂລກມະນຸດຄ່ອຍໆກັບມາ ພ້ອມກັນນັ້ນ ແຄລໍ ຍັງຕ້ອງໄດ້ຕາມກຳຈັດ skull ທີ່ຕົກລົງມານຳ ບໍ່ໃຫ້ທຳລາຍລ້າງ ເຜົ່າ ຄຣີ. ສ່ວນເລື່ອງລາວຊິເປັນຈັ່ງໃດຕໍ່ ໄປຮັບຊົມທີ່ໂຮງຮູບເງົາເດີ້ ບໍ່ສະປອຍ

ໜັງຕອນຕົ້ນເລື່ອງບອກເລີຍວ່າເຮັດໃຫ້ຢາກນອນ ເພາະການດຳເນິນເລື່ອງທີ່ຊ້າ ກວ່າຈະປະຕິດປະຕໍ່ເລື່ອງລາວໄດ້ກະເກືອບທ້າຍເລື່ອງ. ແລ້ວໜັງຈະອອກແນວສືບສວນຫນ່ອຍໜຶ່ງເຖິງງຽນງໍາ ເອີ້ຍ! ເງື່ອນງຳຂອງນາງເອກ ວ່າ ເປັນມາຈັ່ງໃດ ເປັນຫຍັງຈັ່ງສູນເສຍຄວາມຈຳ ເປັນຫຍັງຈັ່ງໄດ້ພະລັງສຸດໂຫດມາຄອບຄອງ.

ເຖິງວ່າຫນັງຊິນ່າເບື່ອແຕ່ສິ່ງທີ່ມາເຕິມເຕັມຄວາມໜ້າເບື່ອກະຄື ແມວ ກູສ ນິແຫລະ ນ່າຮັກ ແຖມເປັນຕົວຍາດຊີນອີກ. ທາດແມວຂໍເທໃຈໃຫ້ເລີຍ. ສ່ວນເນື້ອເລື່ອງເບິ່ງເລິ່ມຕົ້ນເພີນໆ ບາດກາງເລື່ອງຢາກວ່າຫັກມຸມອິຫລີ. ຕອນທ້າຍເລື່ອງມັນກໍ່ຈະອອກສະໃຈແຟນຫນັງແດ່ ແບບວ່າ ພະລັງຂອງຕົວເອກມັນຈະເວີ້ວັງອະລັງການໄປໃສ ບອກເລີຍວ່າ ທານອສ ທີ່ຖ້າຢູ່ຫນັງ Avengers: End game ທີ່ຈະສາຍເດືອນຫນ້າ ຕ້ອງເຊັດນໍ້າຕາ

ສະຫຼຸບໜັງອອກຈະເລົ່າຄວາມໄປມາຫຼາຍພໍສົມຄວນ ເຮັດໃຫ້ນ່າເບື່ອ ສຳຫຼັບ ແອັດ ວ່າ ເບິ່ງຮອບດຽວກະເກີນພໍ ແຕ່ກະພໍມີເລື່ອງ surprise ໃຫ້ແຟນຫນັງ ທັງຄວາມລັບຂອງ ນິກ ຟິວລີ່. ການໄດ້ພະລັງມາ ຂອງ ແຄລໍ ແດນເວີ້ ບອກເລີຍວ່າແຟນ Marvel ຈຳເປັນຕ້ອງໄດ້ເບິ່ງຖ້າຢາກຮູ້ຄວາມເປັນມາຂອງຕົວເອງ ແລະ ຢາກເບິ່ງ Avenger: End game ເລົ້າໃຈ.

End credit 1 ບອກເລີຍວ່າ peak ກວ່າຫນັງທັງເລື່ອງ ຫ້າມລຸກແຕ່ບ່ອນນັ່ງກ່ອນເດັດຂາດ

ຄະແນນລວມ 7/10

Tagged on:

ປະກອບຄຳເຫັນ

This site uses Akismet to reduce spam. Learn how your comment data is processed.

%d bloggers like this: