27/01/2019 ລະວັງ PM 2.5 ອັນຕະລາຍຈາກອາກາດ

ລະວັງ PM 2.5 ອັນຕະລາຍຈາກອາກາດ

ຊ່ວງຫຼັງໆມານີ້ ໄປໃສມາໃສກໍໄດ້ຍິນແຕ່ຄົນລົມເລື່ອງ PM 2.5 ແຕ່ກໍມີບາງຄົນທີ່ບໍ່ຮູ້ຈັກ ແລະ ຍັງລະເລີຍຕໍ່ PM 2.5. ມື້ນີ້ເລີຍຢາກເລົ່າໃຫ້ໝູ່ເພື່ອໄດ້ຮູ້ວ່າອັນ PM 2.5 ແມ່ນແມ່ນຫຍັງ? ແລ້ວອັນຕະລາຍຂອງມັນມີຫຍັງແດ່?

PM 2.5 ແມ່ນຫຍັງ?

PM 2.5 ແມ່ນຝຸ່ນຜິດທີ່ພົບໄດ້ໃນອາກາດ ເປັນສານຜິດທີ່ມີຂະໜາດນ້ອຍຫຼາຍ ນ້ອຍກວ່າ 2.5-micron ຢາກຮູ້ວ່ານ້ອຍຊໍ່າໃດ ກໍລອງເອົາເສັ້ນຜົມເຮົາມາຜ່າກາງ 25 ສ່ວນລອງເບິ່ງ.

ອັນຕະລາຍຈາກ PM 2.5

ຝຸ່ນຜິດ PM 2.5 ສາມາດເດີນທາງເຂົ້າສູ່ລະບົບຫາຍໃຈໄດ້ ເພາະມັນມີຂະໜາດນ້ອຍຫຼາຍ ຂົນໃນຮູດັງເລີຍບໍ່ສາມາດຕອງຝຸ່ນຜິດເລົ່ານີ້ອອກໄດ້. ຈາກນັ້ນມັນກໍຈະແຊກຊຶມເຂົ້າສູ່ກະແສເລືອດ ແລ້ວກໍມີຄວາມສ່ຽງທີ່ຈະເປັນມະເລັງມະເລັງປອດ, ພູມແພ້ທາງລະບົບຫາຍໃຈ ແລະ ຜິວໜັງ ລວມໄປເຖິງພາວະແຊກຊ້ອນຕ່າງໆຈົນເຖິງຂັ້ນເສຍຊີວິດໄດ້.

ແຫຼ່ງກຳເນີດ PM 2.5

https://medium.com/vital-strategies/combating-plastic-and-air-pollution-on-earth-day-d9c06f1ca219
  • ການຈູດຂີ້ເຫຍື້ອ ຫຼື ຈູດປ່າຈູດໄຮ່ ໂດຍສະເພາະໃນລາວເຮົາກໍມີການຈູດຂ້ອນຂ້າງຫຼາຍ
  • ຄວັນລົດ ໂດຍສະເພາະແມ່ນລົດກາຊວນ ໃນນະຄອນຫຼວງເຮົາກໍມີລົດສັນຈອນໄປມາເປັນຈຳນວນຫຼາຍ ສະນັ້ນກໍມີລະອອກຈາກຄວັນເຫຼົ່ານີ້ສະສົມໃນອາກາດເປັນຈຳນວນຫຼາຍ
  • ຄວັນຈາກອຸດສາຫະກຳ ເປັນເທດທີ່ກຳລັງພັກດັນຕົນເອງເຂົ້າສູ່ລະບົບອຸດສາຫະກຳ ກໍຍ່ອມມີໂຮງຈັກໂຮງງານເກີດຂຶ້ນຫຼາຍ ສະນັ້ນນີ້ກໍເປັນໜຶ່ງໃນສາເຫດຫຼັກເລີຍ

ສະຖານນະມົນລະຜິດ PM 2.5 ໃນບ້ານເຮົາ

ແດງໆຫັ້ນແມ່ນໝົດເລີຍ ສາມາດເບິ່ງໄດ້ທີ່ http://maps.who.int/

ອົງການອານາໄມໂລກໄດ້ສຳຫຼວດມົນລະຜິດເປັນປະຈຳທຸກໆປີ ເພື່ອຄວບຄຸມປະລິມານມົນລະຜິດທີ່ສົ່ງຜົນກະທົບຕໍ່ສິ່ງມີຊີວິ

ຜົນການສຳຫຼວດຈາກ http://open_jicareport.jica.go.jp/pdf/12086104.pdf

ຈະປ້ອງກັນແນວໃດ?

ກໍມີແຕ່ສວມໜ້າກາກທີ່ອອກແບບມາສະເພາະສຳລັບປ້ອງກັນ PM 2.5 ຫຼື ອາດຈະສວມໜ້າກາອານາໄມທຳມະດາ ແຕ່ໃສ່ເຈ້ຍອານາໄມສະອາດທັບອີກຈັກ 2 ຊັ້ນ ເພື່ອໃຫ້ກອງຝຸ່ນໄດ້ດີກວ່າເກົ່າ

ເປັນໜ້າກາດທີ່ອອກແບບມາພິເສດ

ມາຊ່ວຍກັນຫຼຸດຜ່ອນມົນລະຜິດ

ວິທີທີ່ເຫັນຜົນຊ້າ ແຕ່ຍືນຍົງທີ່ສຸດກໍຄືຊ່ວຍກັນຫຼຸດຜ່ອນສາເຫດທີ່ເຮັດໃຫ້ເກີດມົນລະຜິດ ເຊັ່ນຢຸດຈູດຂີ້ເຫຍື້ອຊະຊາຍ, ຫຼຸດຜ່ອນການໃຊ້ລົດຈັກ ຫຼື ລົດຍົນ ໃຫ້ຫັນມາໃຊ້ລົດໄຟຟ້າ, ລົດຖີບ ຫຼື ລົດຂົນສົ່ງແທນ. ທີ່ສຳຄັນແມ່ນບັນດາພາກອຸດສາຫະກຳຕ້ອງໃສ່ໃຈຕໍ່ມົນລະພາວະທາງອາກາດ ຢ່າມັກງ່າຍປ່ອຍສານຜິດຈົນເກີດມີຜົນເສຍຕໍ່ສິ່ງແວດລ້ອມ.

ເຖິງຢ່າງໃດກໍຕາມ ລັດຖະບານລາວກໍຍັງບໍ່ທັນເຫັນຈັດຕັ້ງໜ່ວຍງານໃດຂຶ້ນມາສຳຫຼວດມົນລະຜິດໃນລາວ ທັງທີ່ເປັນເລື່ອງທີ່ມີຜົນກະທົບຕໍ່ປະຊາຊົນລາວ ເຫັນໄດ້ວ່າຄົນໃນໂຕເມືອງຊ່ວງນີ້ຈະພາກັນເປັນພູມແພ້ທາງອາກາດ ບາງຄົນກໍເລືອດດັງອອກໂດຍບໍ່ຮູ້ສາເຫດ. ແອັດມິນເອງກໍເປັນພູມແພ້ ຕ້ອງທຳຄວາມສະອາດໂພງດັງຕະຫຼອດເວລາ ຫາຍໃຈກໍຕິດໆຂັດໆ.

ຄ່າມາດຕະຖານ

ສະຖານະ (0<25µg/m3) ອາກາດດີຫລາຍ
ສະຖານະ (25<50µg/m3) ອາດກາດດີ
ສະຖານະ (50<100µg/m3) ປານກາງ
ສະຖານະ (100<200µg/m3) ມີຜົນກະທົບຕໍ່ສຸຂະພາບ ຕ້ອງລະວັງ
ສະຖານະ (>200µg/m3) ອັນຕະລາຍ

Ref: http://air4thai.pcd.go.th/webV2/aqi_info.php

ຕິດຕາມການລາຍງານສະຖານະການໄດ້ທີ່ https://web.facebook.com/loungos/

 

ຖ້າຄິດວ່າບົດຄວາມນີ້ເປັນປະໂຫຍດ ກໍຊວຍກັນແຊອອກໄປໃຫ້ຄົນອື່ນໄດ້ຮັບຮູ້ນຳກັນ.

ປະກອບຄຳເຫັນ

This site uses Akismet to reduce spam. Learn how your comment data is processed.

%d bloggers like this: