ຣີວິວ Mission Impossible: Fallout

By on
Spread the love

ກະຖືວ່າເດິນທາງມາໄດ້ກວ່າ 22 ປີແລ້ວ ສຳຫຼັບ ຫນັງພາລະກິດສ່ຽງຕາຍ ທີ່ແຕ່ລະພາລະກິດ ເກືອບຈະເປັນໄປບໍ່ໄດ້ ຈາກ Mission Impossible ພາກທຳອິດໃນປີ 1996, Mission Impossible 2 ໃນປີ 2000, Mission Impossible 3 ໃນປີ 2006, Mission Impossible 4: Ghost Protocal ປີ 2011 ແລະ Mission Impossible 5: Rogue Nation ປີ 2015. ເຖິງວ່າລຸງ ທອມ ຄູສ ຈະອາຍຸ 56 ແລ້ວ ແລ້ວລາວກະຍັງມາຮັບໜ້າທີ່ສ່ຽງຕາຍຕໍ່ ພາກນີ້ກະຖືວ່າເປັນພາກທີ 6 ແລ້ວ ໃນຊື່ພາກວ່າ Mission Impossible: Fallout

Mission Impossible: Fallout

ເນື້ອເລື່ອງຂອງພາກນີ້ ມີຢູ່ວ່າ ອີທານ ຮັນ ພະເອກ ຂອງເຮົາຕ້ອງໄດ້ໄປຊິງເອົາ ລະເບິດພະລັງທຳລາຍສູງຊື່ວ່າ ພູໂຕນ້ຽມ ໃຫ້ພົ້ນເງື້ອມມືຂອງເຫຼົ່າອົງກອນສາຍລັບເກົ່າທີ່ກໍ່ກະບົດ ແລະ ຍັງຕ້ອງຮ່ວມມື ກັບເຈົ້າໜ້າທີ່ CIA ອີກ ເນື້ອເລື່ອງກະປະມານນີ້ ແຕ່ໜັງຊັບຊ້ອນກວ່ານິ
ຖ້າໃຜທີ່ຍັງບໍ່ເຄີຍເບິ່ງພາກເກົ່າ ແນະນຳໃຫ້ກັບໄປເບິ່ງກ່ອນ ເພາະໜັງພາກນີ້ຄ່ອນຂ້າງເຊື່ອມໂຍງກັບພາກກ່ອນໆ ພໍສົມຄວນ. ສຳຫຼັບຄວາມຮູ້ສຶກຫຼັງຈາກການເບິ່ງ ຢາກຮ້ອງອອກມາດັງໆ ເລີຍວ່າ ມັນສຸດຍອດດ ເປັນໜັງແອັກຊັ່ນ ທີ່ ດີທີ່ສຸດຂອງປີນີ້ເລີຍ. ເຮົາຈະໄດ້ພົບກັບສາກແອັກຊັ່ນສຸດສຽວທີ່ມີມາໃຫ້ເຫັນຕະຫຼອດທີ່ເລື່ອງ ແລະ ບ້າລະຫ່ຳກວ່າພາກກ່ອນໆ ສ່ວນໃນຕົວໜັງເດິນເລື່ອງໄດ້ດີ ນ່າຄົ້ນຫາ ແລະ ເດົາທາງຍາກຫຼາຍ ເນື້ອຫາກະສຸດເຂັ້ມຂຸ້ນ ປານກາເຟ 3 ຊອງ ຜະສົມ M150.

Mission Impossible: Fallout

ທາງດ້ານອຸປະກອນ ໄຮເທັກ ກະບໍ່ນ້ອຍໜ້າ. ສິ່ງທີ່ຢາກແນະນຳກະຄື ຫ້າມອອກໄປຫ້ອງນຳ້ເດັດຂາດ ເພາະ ພາດໜ່ອຍດຽວກະເຮັດໃຫ້ບໍ່ຮູ້ເລື່ອງໄດ້. ບົດໜັງທີ່ວ່າອາດຈະບໍ່ມີຫຍັງເລີຍ ແຕ່ທີ່ຈິງແລ້ວບໍ່ແມ່ນ. ໜັງມັນສັບຂາຫຼອກເຮົາໄດ້ອິຫລີ ຕ້ອງເບິ່ງຈົນຈົບຈັ່ງສະຫຼຸບຕົວເລື່ອງໄດ້. ສ່ວນດ້ານສາກແອັກຊັ່ນກະສະນັ່ນຫວັ່ນໄຫວ ຈັດໜັກ ປານວ່າເປັນໜັງພາກສຸດທ້າຍ ແລະ ກະອອກຈະໂອເວີ້ ແຕ່ສົມຈິງ ເພາະສາກສ່ຽງຕາຍ ລຸງ ທອມ ລາວຫຼິ້ນແທ້. ໂດຍສະເພາະມຸມກ້ອງໃນສາກສຽວໄສ້ຕ່າງໆ ກະເຮັດໄດ້ດີເລີຍ ປານວ່າຢູ່ໃນເຫດການແທ້. ສ່ວນທາງດ້ານຕົວລະຄອນກະເຂົ້າເຄມີກັນໄດ້ດີ ຄືທີມ IMF ຈາກພາກເກົ່າໆ ເຮັດໃຫ້ເຮົາຮູ້ສຶກຜູກພັນໄປກັບຕົວລະຄອນ. ຕົວລະຄອນໃໝ່ທີ່ມາສ້າງສີສັນໃຫ້ພາກນິຄື ສາຍລັບ CIA ຢ່າງ ອາກັສ ວອກເກີ້ ນຳສະແດງໂດຍ ເຮັນຣີ່ ຄາວິລ ຜູ້ເຄີຍຮັບບົດ Superman ທີ່ມາຮ່ວມພາລະກິດກັບ ອີທານ ຮັນ ຈົນແຍກບໍ່ອກເລີຍວ່າໃຜພະເອກ.

Henry Cavil ໃນ Mission Impossible: Fallout

ສະຫຼຸບ ໜັງນີ້ເປັນໜັງທີ່ມີດີບັກຫຼາຍໆ ເກືອບຈະບໍ່ມີຂໍ້ເສຍເລີຍ ເປັນໜັງທີ່ສົມການລໍຄອຍ ທີ່ 3-4 ປີ ຈະມີພາກຕໍ່ ມັນສຸດໆ ອິຫລີ ພາກນິ. ຖືວ່າເປັນໜັງແອັກຊັ່ນທີ່ດີທີ່ສຸດຂອງຍຸກນີ້ເລີຍ ໃຜທີ່ວ່າໜັງ Fast and Furious ຄັກແລ້ວ ແຕ່ໜັງນີ້ຄັກກວ່າອີກ.

ຄະແນນລວມ 10/10

 

 

 

 


Spread the love

Leave a Reply

This site uses Akismet to reduce spam. Learn how your comment data is processed.