fbpx
04/11/2019 8 ເທັກນິກຖ່າຍຮູບດ້ວຍມືຖືໃຫ້ຄືມືໂປຣ

8 ເທັກນິກຖ່າຍຮູບດ້ວຍມືຖືໃຫ້ຄືມືໂປຣ


ເຫັນຊ່ວງນີ້ກ້ອງຈາກໂທລະສັບມືຖືກໍມີຄວາມໂຫດພໍໆກັນກັບກ້ອງມືໂປຣ ເຖິງວ່າໂຕເຊັນເຊີ້ຈະນ້ອຍແຕ່ຊ໊ອຟແວຂອງໂຕກ້ອງບໍ່ດ້ອຍເລີຍ ຈຶ່ງຢາກນຳສະເໜີ 8 ເທັກນິກຖ່າຍຮູບດ້ວຍມືຖືໃຫ້ຄືມືໂປຣ ເພື່ອຫຼາຍໆຄົນໄດ້ເອົາໄປນຳໃຊ້.

ເປີດຄວາມລະອຽດສູງສຸດ

ເປີດໃຫ້ສຸດໆໄປເລີຍ ຄວາມລະອຽດສູງສຸດຂອງກ້ອງມີເທົ່າໃດ ເປີດໃຫ້ຈຳ ແຕ່ຂໍ້ເສຍຄືຟາຍຮູບຈະໃຫຍ່ຫຼາຍ ບາງຮູບຖ່າຍມາຫຼາຍກວ່າ 10MB ເລີຍກໍວ່າໄດ້. ຖ້າຫາກສາມາດເປີດ RAW ໄດ້ກໍເປີດຖ້າຢາກປັບຟາຍ RAW ແຕ່ສຳລັບແອັດແລ້ວຟາຍຕົ້ນສະບັບ ຫຼື RAW ຂອງກ້ອງມືຖືມັນຍັງບໍ່ໄດ້ໃຈປານໃດເທື່ອ ໃຫ້ເປີດ JPEG ກໍພຽງພໍແລ້ວ. ເທັກນິກອີກຢ່າງແມ່ນຢາກໃຫ້ຖ່າຍເປັນອັດຕາສ່ວນ 4:3 ເພື່ອຈະໄດ້ມາ Crop ເອົາຕາມຫຼັງ.

ເປີດ Grid ແລະ HDR ເອົາໄວ້ໂລດ

Grid ເປັນເສັ້ນສີຂາວໆ ເພື່ອຈະຊ່ວຍໃຫ້ເຮົາຈັດອົງປະກອບຂອງຮູບໄດ້ງ່າຍແລະສະດວກຂຶ້ນ ເຊິ່ງຈະມີແບບ 9ຊ່ອງ ແລະ 16ຊ່ອງ ຫຼື ຫຼາຍກວ່ານັ້ນ ເຊິ່ງແລ້ວແຕ່ໂທລະສັບ. ເສັ້ນນີ້ຈະເປັນສະເໝືອນ Guideline ໃຫ້ເຮົາສະດວກໃນການຈັດອົງປະກອບພາບແບບຕ່າງໆ ເຊິ່ງມືອາຊີບມັກໃຊ້ຫຼາຍທີ່ສຸດກໍຄືຈຸດຕັດ 9ຊ່ອງ ໂດຍໃຫ້ເສັ້ນດັ່ງກ່າວຢູ່ທາບລະວ່າງວັດຖຸ

HDR ແມ່ນການຖ່າຍຮູບທີ່ເກັບລາຍລະອຽດຂອງແສງໄດ້ຄົບ ທັງບ່ອນມືດ ບ່ອນແຈ້ງ ຄວາມໝາຍຄືກ້ອງມືຖືຈະຈະຖ່າຍເອົາຮູບມືດ, ແຈ້ງ ແລະ ພໍດີ ລວມກັນ 3 ຮູບ ແລ້ວເອົາມາປະກອບກັນໃຫ້ກາຍເປັນຮູບທີ່ເກັບໄດ້ຄົບອົງສະພາວະແສງ ເອີ້ນວ່າ HDR – High Dynamic Range

ໂຟກັສໃສ່ວັດຖຸທີ່ຕ້ອງການ

ກ້ອງສ່ວນໃຫຍ່ຈະໂຟກັສອັດຕະໂນມັດ ແລະ ຫຼາຍໆຄົນກໍບໍ່ຮູ້ວ່າເຮົາສາມາດປັບຈຸດໂຟກັສໄດ້ງ່າຍໆພຽງແຕ່ແຕະທີ່ໜ້າຈໍໃສ່ບ່ອນທີ່ເຮົາຕ້ອງການ. ນອກຈາກນັ້ນຍັງເປັນການວັດແສງໃຫ້ເຮົາພ້ອມ ໂທລະສັບຈະໄດ້ປັບ ISO ແລະ Shutter ໃຫ້ເໝາະສົມກັບຮູບທີ່ເຮົາຢາກຖ່າຍ. ແຖມຍັງຊ່ວຍໃຫ້ເຮົາສາມາດປັບຄ່າຊົດເຊີຍແສງໄດ້ໃນໂຕເລີຍ

ຫາມຸມມອງໃໝ່ໆ

ລອງປ່ຽນມຸມມອງກັນລອງເບິ່ງ ເພື່ອຈະໄດ້ສິ່ງທີ່ເຮົາບໍ່ເຄີຍເຫັນ. ການຫາມຸມພາບໃໝ່ໆເປັນການເປີດປະສົບການທີ່ແປກໃໝ່ ອາດຈະໄດ້ໃນສິ່ງທີ່ຄົນອື່ນບໍ່ສາມາດຖ່າຍໄດ້ ແລ້ວທ່ານອາດຈະເຫັນແນວທີ່ໂຕເອງມັກກໍເປັນໄປໄດ້.

ແສງ ແລະ ເງົາກໍຄັກໄດ໋

ຫາໂອກາດຫຼິ້ນກັບແສງ ແລະ ເງົາ ໃຫ້ໄດ້ພາບທີ່ທ່ານອາດຈະບໍ່ເຄີຍຖ່າຍມາກ່ອນ ເປີດໂອກາດໂຕເອງໄດ້ລອງຫຼິນກັບແສງທຳມະຊາດ ຫຼື ແສງໄຟກໍໄດ້ ອາດຈະຫຼິ້ນນໍາພວກເສັ້ນສາຍຂອງແສງ ແລະ ເງົາກໍເປັນສິ່ງທີ່ໜ້າສົນໃຈ

ຫຼິ້ນກັບສີແດ່

ສີສັນສົດໃສ ສາດແສງສ່ອງ ບັນດາສີທີ່ສົດໃສຕ່າງໆບໍ່ວ່າຈະເປັນທ້ອງຟ້າ ຕັດກັບສີໂຄມໄຟ ຫຼື ດອງໄມ້ກັບສາກຫຼັງຂາວໆລຽບໆ ຫຼື ຈອກສີສົດໃສກັບໂຕສີເທົາໆ

ໃຊ້ແອັບແຕ່ງຮູບໃຫ້ເປັນ

ຮູ້ຈັກປັບໂທນສີ ໂທນແສງ ອຸນຫະພູມອຸ່ນຫຼືເຢັນ ໃຫ້ເໝາະກັບຮູບພາບ ລວມໄປເຖິງພວກ Shadow/Highlight ຕ່າງໆ ລວມໄປເຖິງການປັບ Blue ແລະ ອື່ນໆອີກຫຼາຍຢ່າງ

 

ຈັດອົງປະກອບໃຫ້ດີ

ສຸດທ້າຍເປັນສິ່ງທີ່ສຳຄັນທີ່ສຸດກໍຄືການຈັດອົງປະກອບຮູບພາບ ມີຫຼາກຫຼາຍຮູບແບບທັງ Rule of thirds, Spriral, Lead line ແລະ ອີກສາລະພັດ ກໍລອງໆກັນເບິ່ງ

ລອງເອົາບັນດາເທັກນີ້ໄປໃຊ້ກັນລອງເບິ່ງເນາະ ວ່າຈະເປັນແນວໃດ ແລ້ວມາແຊໃຫ້ແອັດເບິ່ງແດ່ເດີ້

ຖ້າບົດຄວາມນີ້ດີ ກໍຊ່ວຍກັນແຊໃຫ້ແດ່ເດີ້ ເພື່ອເປັນກຳລັງໃຈໃຫ້ແອັດມິນ


ປະກອບຄຳເຫັນ

This site uses Akismet to reduce spam. Learn how your comment data is processed.