ລົດແກ້ວ ເປັນ Brand Influencer ໃຫ້ກັບ Evo Store - Yaklao.com
09/02/2019 lodkeo-evo-store-lao

ລົດແກ້ວ ເປັນ Brand Influencer ໃຫ້ກັບ Evo Store


ລົດແກ້ວ ນັກກິລາແລ່ນລານທີມຊາດລາວ ເນັດໄອດອລ ແຫ່ງວົງການກິລາ ຈັດອີກດອກ ເທື່ອນີ້ມາພ້ອມກັບ The Gang ມາເປັນ Brand Influencer ໃຫ້ກັບ Evo Store ໃນງານເປີດໂຕສູນຈຳໜ່າຍແຫ່ງໃໝ່

Evo Store ເປັນສູນຈຳໜ່າຍອຸປະກອນການກິລາຈາກຕ່າງປະເທດ ແລະ ຍັງເປັນຜູ້ຜະລິດເສື້ອຜ້າກິລາຂອງລາວຍີ່ຫໍ້ Evo ໄດ້ເປີດໂຕສູນຈຳໜ່າຍ ແລະ ບໍລິການແຫ່ງໃໝ່ ໃນວັນສຸກ ວັນທີ 8 ກຸມພາ 2019 ທີ່ ບ້ານ ຄຳຮຸ່ງ ເມືອງໄຊທານີ ແຂວງນະຄອນຫຼວງວຽງຈັນ.

ໃນງານນີ້, ນອກຈາກມີພິທີເປີດໂຕແລ້ວ ຍັງມີພິທີເຊັນສັນຍາກັບບັນດາສະໂມສອນກິລາ ແລະ ຜູ້ຊົງອິດທິພົນໃນແວດວົງກິລາເຊັ່ນ
Sack Cells (ອິນທາ ຣັດຕະນະວົງ)
– Boby – ບ໋ອບບີ້ ອັດສະວັນ ເພັດສັງຫານ
– ລົດແກ້ວ ອິນທະກຸມມານ (ນັກກິລາແລ່ນລານທີມຊາດລາວ) – Lodkeo Inthakoumman
LKCoaching (ເພຈສອນແລ່ນ)
ແລະ ທ່ານອື່ນໆອີກ

ໜ້າທີ່ຂອງລົດແກ້ວນອກຈາກເປັນ Brand Ambassador ໃຫ້ກັບ Mitsubishi Motors Laos ແລ້ວ ຍັງໄດ້ມາຮັບຕຳແໜ່ງ Brand Influencer ໃຫ້ກັບ Evo Store ພ້ອມ. ງານນີ້ລົດແກ້ວຮັບໄປເຕັມໆ 2 ດອກ.

Evo Store ແມ່ນສູນຈຳໜ່າຍເສື້ອຜ້າແບຣນຂອງລາວທີ່ຜະລິດເສື້ອຜ້າໃຫ້ກັບນັກກິລາຫຼາຍໆປະເທດກິລາ ມີສູນຈຳໜ່າຍຢູ່ນະຄອນຫຼວງວຽງຈັນ ແລະ ສະຫວັນນະເຂດ. ນອກຈາກນັ້ນ ຍັງມີທີມເຕະບານຂອງຕົນເອງນັ້ນກໍຄືທີມ Evo United ທີ່ຫາກໍຄວ້າອັນດັບ 2 ໃນການແຂ່ງຂັນເຕະບານສາຍ ກ ຫຼື Lao Division 1 ປະຈຳ 2018 ແລ້ວປີນີ້ກໍໄດ້ເລື່ອນຊັ້ນຂຶ້ນໄປເຕະຂັນໃຫຍ່ Lao Premiere League

ໜ້າທີ່ຂອງ Brand Influencer ຄືຈະຕ້ອງເປັນຜູ້ທີ່ໄດ້ຮັບຄວາມນິຍົມສູງໃນດ້ານໃດດ້ານໜຶ່ງ ສາມາດສ້າງມູນຄ່າໃຫ້ແບຣນນັ້ນໆໄດ້ ແລະ ສາມາດເຜີຍແຜ່ຂໍ້ມູນຂອງແບຣນໄດ້ພ້ອມ.

ທີມງານ YakLao ກໍຂໍສະແດງຄວາມດີໃຈທີ່ຜູ້ຫຼັກຜູ້ໃຫຍ່ເຫັນຄວາມສາມາດຂອງ ລົດແກ້ວ ແລ້ວສະໜັບສະໜູນແບບນີ້. ຢາກໃຫ້ມີຄົນມາສະໜັບສະໜູນວົງການກິລາລາວເຮົາຫຼາຍໆ ກິລາເຮົາຈຶ່ງກ້າວໄປໄກທຽບເທົ່າສາກົນ.


Leave a Reply

Your email address will not be published.

This site uses Akismet to reduce spam. Learn how your comment data is processed.