iPhone 9, iPhone SE 2,iPhone X2 iPhone X Plus (ຂ່າວລື)

By on

ໃນຂະນະທີ່ທົ່ວໂລກກຳລັງຈັບຈ້ອງຂ່າວໝູປ່າ 13 ຊີວິດທີ່ຫາກໍອອກຈາກຖໍ້າ ກໍມີອີກຂ່າວທີ່ກຳລັງເປັນກະແສເຊັ່ນກັນ ນັ້ນກໍຄືຂ່າວການເປີດໂຕຂອງ iPhone 9, iPhone X, iPhone X Plus.

iPhone X ເປີດໂຕອອກມາໃຫ້ສາວົກທຸກຄົນໄດ້ຕື່ນຕາຕື່ນໃຈກັບຈໍໃຫຍ່, ການອອກແບບທີ່ສວຍງາມ ແລະ ປະສິດຕິພາບທີ່ສຸດຍອດ ມາດ້ວຍລາຄາທີ່ແພງສູງທະລຸເພດານ. ເຊິ່ງກໍມີການຄາດການກັນວ່າ Apple ຈະປ່ອຍຂອງໃໝ່ iPhone X Plus ມາພ້ອມກັບຈໍ 6,5-ນິ້ວ. ແຕ່ທີ່ຜ່ານມາກໍມີຂ່າວອີກດ້ານໜຶ່ງບອກວ່າ Apple ຈະປ່ອຍ iPhone SE ເຊິ່ງລາຄາຈະເບົາລົງມາ ແລະ ມີຮອຍແວ່ງຢູ່ສ່ວນຫົວຄືກັນກັບ iPhone X ເອົາງ່າຍໆຄື iPhone X ລາຄາຖືກ. ນອກນັ້ນກໍຍັງມີອີກຂ່າວທີ່ບອກວ່າຈະມີ iPhone 9 ທີ່ອອກມາແທນທີ iPhone 8/8 Plus.

ແຫຼ່ງຂ່າວຍັງບໍ່ທັນຢືນຢັນເທື່ອວ່າຈະມີການເປີດໂຕໃນ ເດືອນກັນຍາ ນີ້ແທ້ຫຼືບໍ່ ແຕ່ວ່າຫຼາຍໆແຫຼ່ງຂ່າວກໍມີການລະບຸເດືອນດຽວກັນ ຍັງເຫຼືອແຕ່ຖ້າທາງ Apple ອອກມາຢືນຢັນຢ່າງເປັນທາງການກໍເທົ່ານັ້ນ.

ຈະເປີດໂຕລຸ້ນໃດ?

ຕາມ Product Line ຂອງທາງ Apple ຄາດວ່າຈະມີການເປີດໂຕສິນຄ້າໃໝ່ຢ່າງແນ່ນອນ ແຕ່ຄຳຖາມຄືຈະເປັນລຸ້ນໃດ? ສະມາຊິກເຮົາລອງເດົາກັນເບິ່ງ iPhone 9, iPhone SE 2,iPhone X2 iPhone X Plus.

iPhone 9, iPhone SE 2,iPhone X2, iPhone X Plus

ໃນການສາຍການຜະລິດແລ້ວ Apple ໄດ້ມີສິນຄ້າຕະກູນ SE ເຊິ່ງຫາກໍອອກມາເທື່ອດຽວແມ່ນ iPhone 5SE ເຊິ່ງກໍບໍ່ຄ່ອຍໄດ້ຮັບຄວາມນິຍົມເທົ່າທີ່ຄວນໃນຕອນນັ້ນ ເລີຍຄາດວ່າ Apple ຈະປຸກຊີບຕະກູນ SE ໃຫ້ຄືນມາອີກຄັ້ງ.

ສຳລັບລຸ້ນທີ່ສູງຂຶ້ນມາແມ່ນ iPhone ເຊິ່ງລ່າສຸດແມ່ນ 8/8Plus ເປັນໂທລະສັບລຸ້ນກາງທີ່ສະເປັກດີ ແລະ ໄດ້ຮັບຄວາມນິຍົມຢ່າງກວ້າງຂວາງ ເລີຍຄິດວ່າປີນີ້ຈະຕ້ອງມີ iPhone 9 ແລະ ຕາມມາດ້ວຍ 9Plus ກໍຄືກັນກັບແຕ່ລະປີທີ່ Apple ໄດ້ເຮັດມາ. ປີນີ້ Tim Cook ຊິມາໄມ້ໃດນໍ້.

ສ່ວນສິນຄ້າໂຕເທິງສຸດ ທ໊ອບສຸດ ແມ່ນ iPhone X ເປີດໂຕມາແລ້ວບໍ່ຄ່ອຍໄດ້ຮັບຄວາມນິຍົມພໍປານໃດ ເພາະ Apple Store ແຕ່ລະສາຂາຈະງຽບ ແລ້ວບໍ່ມີຄົນໃຫ້ຄວາມສົນໃຈ ເລີຍຄິດວ່າ Apple ຕ້ອງປັບກົນລະຍຸດໃໝ່ ອອກມັດແຍັບໃສ່ຄູ່ແຂ່ງໃຫ້ແຮງກວ່າເກົ່າດ້ວຍ iPhone X2, iPhone X2 Plus ຫຼັງຈາກທີ່ຖືກກຳປັ້ນຈາກທາງ Samsung ອັດມາດ້ວຍ Note 8 ເຊິ່ງຖືເປັນມັດທີ່ແຮງພໍສົມຄວນ.

iPhone 9, iPhone SE 2,iPhone X2, iPhone X Plus

ລາຄາ

ຕາມຂ່າວລື ກໍເຮັດໃຫ້ມີຄົນຄາດການໄປຕ່າງໆນາໆວ່າລາຄາຊິເປັນແບບໃດ ເຊິ່ງເຮົາກໍໄດ້ສັງລວມມາ ແລ້ວຄາດການວ່າລາຄາຂອງແຕ່ລະລຸ້ນມີຄື:

iPhone 9 : $700-$800

iPhone X2 : $900-$800

iPhone X2 : Plus $900-$1000

ການອອກແບບ ແລະ ສີ

ດັ່ງທີ່ເຫັນໃນ iPhone X ແລ້ວວ່າຈະເປັນໂຕເຄື່ອງກະຈົກ ເຮັດໃຫ້ເບິ່ງມີຄວາມເງົາງາມ ເບິ່ງແລ້ວມັນ classy ດີ ເຊິ່ງແນ່ນອນວ່າຖ້າເປີດໂຕລຸ້ນໃໝ່ ກໍຄົງຈະຍັງໃຊ້ເຄື່ອງກະຈົກແບບເກົ່າ.

ສ່ວນໂຕເຄື່ອງ iPhone 9 ນັ້ນຄາດວ່າຈະເປັນອາລຸມີນຽມຄືກັບລຸ້ນທີ່ຜ່ານໆມາ ຫຼື ອາດຈະເປັນ ອາລູມີນຽມກະຈົກ ເຊິ່ງເປັນນະວັດຕະກຳໃໝ່ຈາກທາງ Apple.

ສຳລັບສີກໍຄົງຈະໜີບໍ່ພົ້ນສີດຳ, ເງິນ, ທອງ. ສ່ວນສີທີ່ຈະມາໃໝ່ອາດຈະມີ ນໍ້າເງິນ, ແດງ ແລະ ສົ້ມ(ອົມທອງ)

iPhone 9, iPhone SE 2,iPhone X2, iPhone X Plus

ແນ່ນອນ ຍັງບໍ່ຖິ້ມຮອຍແວ່ງຢູ່ດ້ານເທິງ ເຊິ່ງເອົາໄປເອົາມາ ກາຍເປັນເອກະລັກຂອງ iPhone ເອົາຊື່ໆ ແລ້ວກໍມີຫຼາຍຍີ່ຫໍ້ທີ່ເອົາໄປເຮັດນຳແລ້ວການເປັນເທັຣນໄປເລີຍ.

ສະຫຼຸບ

Apple ຈະອອກມາເປີດຜະລິດຕະພັນໃໝ່ທ້າຍປີນີ້ແນ່ນອນ ແຕ່ເຮົາບໍ່ຮູ້ວ່າຈະເປັນຜະລິດຕະພັນຫຍັງ ເພາະທາງ Apple ເອງກໍປິດງຽບ ບໍ່ມີຂ່າວເລັດລອດອອກມາເລີຍແມ້ແຕ່ໜ້ອຍ.

ຖ້າຫາກວ່າມີການເຄື່ອນໄຫວອັນໃດ ທາງ yaklao.com ຈະມາອັບເດດທ່ານໃຫ້ຮູ້ກ່ອນໝູ່ທັນທີ.

Credit: Mashable.com

 

ອ່ານເພີ່ມ: Apple ປ່ອຍ MacBook Pro 2018 ຢ່າງເປັນທາງການ

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.