23/02/2019 huawei leak foldable phone

Huawei ຈະເປີດໂຕ ໂທລະສັບຈໍພັບໄດ້ໃນງານ MWC 2019

ຕາມການລາຍງານຂອງເວັບ Endgadget ວ່າມີພາບໂຄສະນາ Billboard ຂອງ Huawei ທີ່ມີພາບຮູບໂທລະສັບຈໍພັບໄດ້ກຳລັງຕິດຕັ້ງຢູ່ ໂດຍພາບຖືກໂພສຈາກຜູ້ໃຊ້ງານ Twitter ຊື່ວ່າ
 @gimme2pm ໂດຍພາບດັ່ງກ່າວຖືກໂພສຂຶ້ນຫຼັງຈາກງານ Samsung Unpacked 2019 ບໍ່ເທົ່າໃດມື້

ງານ MWC 2019 ຫຼື Mobile World Congress 2019 ເປັນງານສຳມະນາ ແລະ ວາງສະແດງເທັກໂນໂລຢີມືຖືທີ່ໃຫຍ່ທີ່ສຸດໃນໂລກ ເຊິ່ງປີນີ້ຈະໄປຈັດຢູ່ທີ່ປະເທດ ສະເປນ ບາເຊໂລນາ.

Huawei ເອງກໍວາງແຜນທີ່ຈະເປີດໂຕໂທລະສັບ ແລະ ເທັກໂນໂລຢີໃໝ່ໆໃນງານນີ້ເຊັ່ນກັນ ໂດຍສະເພາະແມ່ນ ມືຖືຈໍພັບໄດ້ ຫຼື ໂຄ້ງງໍໄດ້ ລວມໄປເຖິງເທັກໂນໂລຢີ 5G ທີ່ທົ່ວໂລກກຳລັງສົນໃຈກັນ.

“ເຮົາຈະເປີດໂຕໂທລະສັບ 5G ພ້ອມກັບຂໍພັບໄດ້ ໃນເດືອນກຸມພາ ທີ່ເມືອງ ບາເຊໂລນາ” Richard Yu CEO ຂອງ Huawei ກ່າວໄວ້.

ນອກຈາກແບຣນໃຫຍ່ຈາກເກົາຫຼີ Samsung ທີ່ເປີດໂຕໂທລະສັບຈໍພັບໄດ້ ແລະ ແບຣນດອກໄມ້ Huawei ແລ້ວ ກໍຍັງແບຣນອື່ນໆທີ່ທະຍອຍປ່ອຍພາບຫຼຸດອອກມາເຊັ່ນ LG ແລະ Xiaomi ທີ່ຄາດວ່າຈະມີຂອງຫຼິ້ນໃໝ່ມາໃຫ້ເຮົາເບິ່ງໃນປີນີ້ແນ່ນອນ.

ທີມງານ yaklao ກໍຢາກລອງຈະລອງສຳພັດເບິ່ງເດ້ເນາະ ວ່າເປັນແນວໃດກັບມືຖືຈໍພັບໄດ້ນິ

Source: https://www.engadget.com/2019/02/22/huawei-mate-x-folding-smartphone-billboard-leak/

ປະກອບຄຳເຫັນ

This site uses Akismet to reduce spam. Learn how your comment data is processed.

%d bloggers like this: