fbpx
20/05/2019 Google ຍົກເລີກສະໜັບສະໜູນ Huawei ຕາມນະໂຍບາຍຂອງລັດຖະບານ ອາເມລິກາ

Google ຍົກເລີກສະໜັບສະໜູນ Huawei ຕາມນະໂຍບາຍຂອງລັດຖະບານ ອາເມລິກາ


ເປັນຂ່າວດັງພໍສົມຄວນກັບການປະກາດຍົກຂອງ Google ທີ່ເລີກການສະໜັບສະໜູນບໍລິສັດໂທລະຄົມຍັກໃຫຍ່ຂອງຈີນຢ່າງ Huawei ໃນຄືນທີ່ຜ່ານ ຕາມນະໂຍບາຍຂອງລັດຖະບານສະຫາລັດອາເມລິກາ.

ລັດຖະບານສະຫາລັດອາເມລິການ ພາຍໃຕ້ການນຳພາຂອງປະທານາທິບໍດີ Donald Trump ໄດ້ປະກາດໃຫ້ບໍລິສັດ Huawei ຖືຂຶ້ນບັນຊີດຳໃນການເຮັດທຸລະກິດກັບອາເມລິກາ ເຊິ່ງຕ້ອງໄດ້ຮັບອານຸຍາດສາກ່ອນຈຶ່ງສາມາດດຳເນີນທຸລະກິດຕໍ່ໄດ້.

ເຫດຜົນໃນການປະກາດນະໂຍບາຍຄັ້ງນີ້ແມ່ນຍ້ອນວ່າໜ່ວຍຂ່າວກອງຂອງອາເມລິກາ ໄດ້ເລັ່ງເຫັນວ່າ ລັດຖະບານຈີນອາດຈະໃຊ້ອຸປະກອນດ້ານໂທລະຄົມຂອງ Huawei ມາສອດແນມລະບົບເຄືອຂ່າຍຂອງສະຫະລັດ ສະນັ້ນເພື່ອເປັນການຕັດໄຟແຕ່ຕົ້ນລົມ ລັດຖະບານສະຫະລັດຈຶ່ງປະກາດຍົກເລີກການດຳເນີນທຸລະກິດກັບບໍລິສັດໂທລະຄົມຍັກໃຫຍ່ລາຍນີ້.

ສ່ວນທາງ  Huawei ກໍເຄີຍອອກມາບອກແລ້ວກ່ອນໜ້ານີ້ວ່າ ເປັນໄປບໍ່ໄດ້ທີ່່ລັດຖະບານຈີນຈະຕິດຕັ້ງລະບົບສອດແນມໃນອຸປະກອນຂອງພວກເຂົາ ເພາະວ່າບໍລິສັດຂອງພວກເຂົາມີອິດສະລະໃນການຜະລິດອຸປະກອນໂທລະຄົມ ແລະ ໝັ້ນໃຈໄດ້ເລີຍວ່າລັດຖະບານຈີນບໍ່ມີສ່ວນກ່ຽວຂ້ອງໃດໆທັງນັ້ນ.

ການປະກາດນະໂຍບາຍຄັ້ງນີ້ຂອງລັດຖະບານສະຫະລັດ ເຮັດໃຫ້ Google ຕ້ອງໄດ້ຍົກເລີກການສະໜັບສະໜູນທຸກຢ່າງໃຫ້ກັບ Huawei ເຊິ່ງຈະສົ່ງຜົນໃຫ້ໂທລະສັບສະມາດໂຟນຍີ່ຫໍ້ Huawei ທຸກລຸ້ນບໍ່ສາມາດເຂົ້າໃຊ້ບໍລິການຂອງ Google ໄດ້ເຊັ່ນ Play Store, Youtube, Google Map, ແລະ ອື່ນໆອີກ ລວມໄປເຖິງຈະບໍ່ໄດ້ຮັບອັດເດດໃໝ່ໆດ້ານຄວາມປອດໄພ ເຊິ່ງອາດຈະເຮັດໃຫ້ໂທລະສັບມີໂອກາດຕິດໄວຣັສໄດ້.

ແຕ່ວ່າຜູ້ທີ່ກຳລັງນຳໃຊ້ໂທລະສັບ Huawei ຢູ່ນັ້ນ ສາມາດເຂົ້າໃຊ້ບໍລິການ ແລະ ການສະໜັບສະໜູນຕ່າງໆໄດ້ປົກກະຕິ ເພາະການຍົກເລີກສະໜັບສະໜູນຄັ້ງນີ້ແມ່ນມີຜົນກັບໂທລະສັບ Huawei ລຸ້ນໃໝ່ເທົ່ານັ້ນ.

ເຖິງແມ່ນວ່າ Huawei ເອງຈະເປັນຜູ້ຜະລິດໂທລະສັບເປັນລາຍໃຫຍ່ອັນດັບສອງຂອງໂລກ ແຕ່ໂທລະສັບ Huawei ລ້ວນແຕ່ຕ້ອງໃຊ້ບໍລິການຂອງ Google ສະນັ້ນການປະກາດຄັ້ງນີ້ ມີຜົນທົ່ວໂລກແນ່ນອນ. ເຊິ່ງເຮົາຕ້ອງຕິດຕາມກັນຕື່ມວ່າທາງ Huawei ແລະ ລັດຖະບານຈີນຈະມີແນວທາງການແກ້ໄຂຕໍ່ມາດຕະການນີ້ແນວໃດ.

ແຫຼ່ງຂ່າວ: https://9to5google.com/2019/05/19/google-existing-huawei-phones/

https://www.theverge.com/2019/5/19/18631558/google-huawei-android-suspension


ປະກອບຄຳເຫັນ

This site uses Akismet to reduce spam. Learn how your comment data is processed.