fbpx
01/08/2019 Android Tablet ຍັງບໍ່ຕາຍ – Galaxy Tab S6 ກັບຫຼາຍໆຢ່າງທີ່ປ່ຽນໄປ

Android Tablet ຍັງບໍ່ຕາຍ – Galaxy Tab S6 ກັບຫຼາຍໆຢ່າງທີ່ປ່ຽນໄປ


ເຫັນຂ່າວງຽບຫາຍໄປດົນກັບ Android Table ແຕ່ສຸດທ້າຍແລ້ວກໍກັບຄືນມາເປີດໂຕອີກຄັ້ງກັບ Samsung Galaxy Tab S6 ກັບຫຼາຍໆຢ່າງທີ່ປ່ຽນໄປ

ໃນວັນທີ 31 ກໍລະກົດ 2019, ບໍລິສັດ ຊຳຊຸງ ອີເລັກໂຕນິກ ໄດ້ປະກາດເປີດໂຕຢ່າງເປັນທາງການ Galaxy Tab S6 ເນັ້ນການ ເຊື່ອມຕໍ່, ບັນເທິງ ແລະ ເຮັດວຽກ.

ຖືໄດ້ວ່າເປັນການອອກແບບຄືນໃໝ່ທັງໝົດໃຫ້ກັບຕະກູນ Tab ຂອງ Samsung. ລວມໄປເຖິງການຕັດຮູສຽບຫູຟັງ 3.5 ອອກໄປ. ສົງໄສຈະນຳເທຣນໝາກໂປ່ມແວ່ງ.

ມາເທື່ອນີ້ມີ S Pen ແບບໃໝ່ ຕອບສະໜອງໄດ້ໄວກວ່າເກົ່າ ເພິ່ນກະລັນຕີວ່າໃຊ້ຍາວຕໍ່ເນື່ອງໄດ້ 10 ຊົ່ວໂມງ.

 

ຕໍ່ດ້ວຍ Galaxy Dex ທີ່ຈະປ່ຽນແທັບເລັດໃຫ້ກາຍເປັນຄອມພິວເຕີ ສາມາດໃຊ້ງານໄດ້ເກືອບເທົ່າກັບຄອມພິວເຕີ. ມີຝາໜ້າ, ແປ້ນພິມ ແລະ ບ່ອນເກັບ S Pen

ຈໍ 10,5 ນິ້ວ, Super AMOLED ໃຫ້ຄວາມໃຫຍ່ ແລະ ສີສັດສົດໃສ. ຂະໜາດບໍ່ໃຫຍ່ຫຼາຍ 24 x 15 ຊມ ແລະ ມີນໍ້າໜັກພຽງ 420ກຣາມ.

ສ່ວນກ້ອງກໍຕາມສະຕາຍແທັບເລັດ ກ້ອງຫຼັງຄູ່ 8ລ້ານ ແລະ 13 ລ້ານພິກເຊວ,​ກ້ອງຫຼັງ 5ລ້ານພິກເຊວ.

ສິນຄ້າຈະເລີ່ມວາງຂາຍໃນວັນທີ 23 ສິງຫາ 2019 ເຊິ່ງປະກອບມີສີ Mountain Gray, Cloud Blue ແລະ Rose Blush. ໃນລາຄາທີ່ພໍເໝາະພໍສົມ 649 ໂດລາ ສະຫະລັດ.

ທີ່ມາ: https://news.samsung.com/us/samsung-galaxy-tab-s6-new-tablet-enhances-creativity-and-productivity


Tagged on:

ປະກອບຄຳເຫັນ

This site uses Akismet to reduce spam. Learn how your comment data is processed.