fbpx
07/01/2019 Facebook-Hacked

Facebook ຂອງເຈົ້າກຳລັງຈະຖືກແຮັກ!


ຜ່ານມາໃນປະເທດເຮົາກໍມີຫຼາຍໆກະແສເລື່ອງການແຮັກເຟສ ທັງແຮັກເພື່ອກວນກັນ, ທັງແຮັກເພື່ອຈຸດປະສົງທຳລາຍຊື່ສຽງ ແລະ ອື່ນໆ ແຕ່ຄຳຖາມຄືເຂົາແຮັກກັນໄດ້ຈັ່ງໃດ? ມີວິທີໃດແດ່? ມື້ນີ້ທາງເວັບ yaklao.com ເລີຍຂໍນຳສະເໜີວິທີປ້ອງການການຖືກແຮັກເຟສ. ຖ້າເຈົ້າບໍ່ຍອມປ່ຽນແປງບອກເລີຍວ່າ Facebook ຂອງເຈົ້າຖືກແຮັກໄດ້ແນ່ນອນ.

1.ໃຊ້ລະຫັດຜ່ານງ່າຍ

ຫຼາຍໆຄົນມັກໃຊ້ລະຫັດຜ່ານບັນຊີຕ່າງໆແບບງ່າຍໆເພື່ອໂຕເອງຈະໄດ້ຈື່ ເຊັ່ນເບີໂທ ຫຼື ໂຕເລກລຽງກັນ 123456789 ປະມານນີ້ເປັນຕົ້ນ. ຮູ້ຫຼືບໍ່ວ່າການໃສ່ລະຫັດຜ່ານງ່າຍໆແບບນີ້ໂດຍສະເພາະແມ່ນເບີໂທ ກໍສາມາດເຮັດໃຫ້ເຂົາສາມາດເດົາລະຫັດຜ່ານເຮົາໄດ້.

ວິທີແກ້ໄຂກໍຄືປ່ຽນລະຫັດຜ່ານຊະ ໄປໃຊ້ລະຫັດຜ່ານທີ່ມັນຍາກຂຶ້ນແດ່ ໃຫ້ຄົນອື່ນມີໂອກາດເດົາໄດ້ຍາກຂຶ້ນ ສະນັ້ນໂອກາດທີ່ເຟສຈະຖືກແຮັກກໍໜ້ອຍລົງ

2. ໃຊ້ເບີໂທໃນການລົງທະບຽນ

ອັນນີ້ໄວລຸ້ນເປັນກັນຫຼາຍຄົນເລີຍ ມັກໃຊ້ເບີໂທລະສັບເພື່ອລົງທະບຽນໃຊ້ງານເຟສ ເພື່ອຄວາມສະດວກ ແລະ ງ່າຍ ບໍ່ຕ້ອງໄປຕັ້ງອີເມວໃຫ້ມັນຫຍຸ້ງຍາກ ແລ້ວສິ່ງທີ່ຜູ້ບໍ່ປະສົງດີຢາກເຮັດກໍຄືກົດ ລືມລະຫັດຜ່ານ ແລ້ວມັນກໍຈະສົ່ງລະຫັດຜ່ານມາທີ່ເບີຂອງຜູ້ໃຊ້ງານ ຖ້າຫາກເປັນຄົນສະໜິດຊິດໃກ້ກັນບໍ່ຫວັງດີກໍສາມາດນຳເອົາໂທລະສັບມາເບິ່ງເພື່ອຮັບເອົາໂຕເລກ OTP (One-Time Password) ແລ້ວສົ່ງໃຫ້ແຮກເກີ້ເພື່ອປົດລະຫັດຜ່ານໄດ້

ວິທີແກ້ ຢ່າໃຫ້ຄົນອື່ນໃຊ້ໂທລະສັບເຮົາ ແລະ ຢ່າເອົາເບີໂທລະສັບລົງທະບຽນໃຊ້ງານ

3. ໃຊ້ເຟສຢູ່ເຄື່ອງຄົນອື່ນແລ້ວບໍ່ໄດ້ອອກ.

ເວລາເຮົາໄປໃຊ້ເຟສ ຫຼື ບໍລິການໃດກໍຕາມແຕ່ຢູ່ເຄື່ອງຄົນອື່ນເຮົາຄວນໃຊ້ດ້ວຍຄວາມລະມັດລະວັງ ເພາະມັນບໍ່ແມ່ນເຄື່ອງຂອງເຮົາ ບາງຄົນແຮງໜັກໜ້າໄປກົດ Save Password ອີກ

ວິທີແກ້ຄືໃຫ້ Log-out ທຸກຄັ້ງເວລາໃຊ້ເຄື່ອງຄົນອື່ນ ແລ້ວຢ່າໄປກົດ Save Password

4. ຖືກ Key Logger

Key Logger ຄືໂປແກຣມທີ່ດັກຈັບການພິມຂອງຄີບອດ ຄືເຮົາພິມຫຍັງໃນຄີບອດມັນກໍຈະບັນທຶກໄວ້ໝົດ ສະນັ້ນມັນກໍສາມາດນຳເອົາສິ່ງທີ່ເຮົາພິມນິໄປຊອກຫາອີເມວ ແລະ ລະຫັດຜ່ານ ເຊິ່ງໂປແກມພວກນີ້ຈະມານຳໂປແກມເຖື່ອນ ຫຼື ຄົນບໍ່ຫວັງດີມາລັກຕິດຕັ້ງໄວ້

ວິທີແກ້ຄືຕິດຕັ້ງແອນຕີ້ໄວຣັສຊະເພາະມັນຈະດັກພວກມໍລແວໄດ້

ສະຫຼຸບ

ທຸກຄົນຕ້ອງໃຊ້ເຟສຢ່າງລະມັດລະວັງ ເພາະວ່າເຟສບຸກເປັນສະເໝືອນທຸກສ່ິງທຸກຢ່າງ ບາງຄົນທັງເຮັດທຸລະກິດ ທັງທຸລະກຳອອນລາຍ ຂໍ້ມູນຂອງເຮົາ ແລະ ຂອງຄົນອື່ນຢູ່ໃນນັ້ນເຕັມ ສະນັ້ນການໃຊ້ງານຄວນໃຊ້ໃຫ້ດີ ຫຼີກຫ່ຼ່ຽງປັດໄຈສ່ຽງຕ່າງໆ

ສັງເກດເຫັນບໍ່ວ່າຄວາມຜິດພາດເຮັດໃຫ້ຖືກແຮກເຟສນັ້ນເປັນຄວາມຜິດຂອງຜູ້ໃຊ້ລ້ວນໆ ຫຼື ເຂົາມັກເອີ້ນວ່າ User-Error ຖ້າເຈົ້າຍັງບໍ່ປ່ຽນພຶດຕິກຳ ແນ່ນອນວ່າຖືກແຮກ 100%


ປະກອບຄຳເຫັນ

This site uses Akismet to reduce spam. Learn how your comment data is processed.