fbpx
12/08/2019 ຮູ້ຈັກກັບອາການ Burnout ຫຼື ໝົດໄຟໃນການຮຽນ ຫຼື ເຮັດວຽກ yaklao

ຮູ້ຈັກກັບອາການ Burnout ຫຼື ໝົດໄຟໃນການຮຽນ ຫຼື ເຮັດວຽກ


ໃນຊີວິດໄວເຮັດວຽກ ໄວຮຽນ ຫຼື ໄວໃດກໍຕາມແຕ່. ທຸກໆຄົນລ້ວນແຕ່ກຳລັງຕາມຫາເປົ້າໝາຍຂອງຊີວິດ ເພື່ອໃຫ້ໄດ້ດັ່ງໃຈປາດຖະໜາ ແຕ່ສຸດທ້າຍກໍຕ້ອງມາ Burnout ສາກ່ອນ.

Key Points

  • Burnout ບໍ່ແມ່ນໂລກຊຶມເສົ້າ
  • Burnout ມີຜົນເນື່ອງມາຈາກຄວາມຄຽດ ຫຼື ຄວາມເບື່ອໜ່າຍ
  • ຖ້າຫາກວ່າມີອາການຊຶມເສົ້າຄວນພົບຈິດຕະແພດໂດຍດ່ວຍ ຢ່າປ່ອຍໃຫ້ລຸກລາມ

ໃນບົດນີ້ ຢາກຈະແນະນຳໃຫ້ທຸກທ່ານຮູ້ຈັກກັບຄຳວ່າ Burn Out ຫຼື ວ່າ ໝົດໄຟ ໝົດແຮງຈູງໃຈ ຫຼື ໝົດແຮງພັກດັນໃນການເຮັດສິ່ງໃດໜຶ່ງ ເຊິ່ງກໍເກີດມາຈາກຫຼາຍສາເຫດ.

Burnout Syndrome ພະຍາດໝົດໄຟ ຫຼື ເຮົາອາດຈະເອີ້ນວ່າ ສະພາວະໝົດໄຟໃນການເຮັດກິດຈະກຳໃດໜຶ່ງ. ບຸກຄົນທີ່ມີອາການໝົດໄຟນີ້ມັກຈະມີອາການຄ້າຍກັບຄົນມີອາການຊຶມເສົ້າ ເຊິ່ງເປັນຜົນເນື່ອງມາຈາກການຮຽນ ການເຮັດວຽກ ທີ່ຖືກກົດດັນ ຫຼື ໃຊ້ພະລັງງານຫຼາຍຈົນເກີນໄປ ຈົນໝົດເຊື້ອເພິງ.

ຄົນທີ່ເປັນພະຍາດນີ້ຈະມີອາການຫົດຫູ່ ເໝື່ອຍ ໝົດແຮງ ແລະ ປະສິດຕິພາບໃນການຮຽນ ຫຼື ເຮັດວຽກຈະຫຼຸດລົງຢ່າງເຫັນໄດ້ຊັດເຈນ. ແຕ່ຖ້າຫາກເລີ່ມມີອາການຢາກຂ້າໂຕຕາຍ ມີຄວາມຮຸນແຮງຜິດປົກກະຕິ ຄວນພົບຜູ້ຊ່ຽວຊານເປັນການດ່ວນ ເພື່ອຈະໄດ້ຮັກສາຢ່າງຖືກຕ້ອງ

ສະພາວະ Burnout ຫຼື ໝົດໄຟຈະມີສາເຫດມາຈາກສິ່ງເລົ່ານີ້

  1. ມີບັນຫາເລື່ອງການຈັດການ: ບໍ່ສາມາດບໍລິຫານຈັດການທັງໂຕເອງ ຫຼື ສິ່ງທີ່ຢູ່ອ້ອມຂ້າງໄດ້ ເຊັ່ນ: ບໍ່ສາມາດຈັດການຕາຕະລາງເວລາຂອງຕົນເອງ ຫຼື ບໍ່ສາມາດເຮັດວຽກທີ່ຖືກມອບໝາຍໄດ້ຈົນສຳເລັດ.
  2. ຂາດແຮງສະໜັບສະໜູນ: ອາດຈະຄົນໃກ້ໂຕ ພໍ່ແມ່ ຄົນຮັກ ເພື່ອຮ່ວມງານ ບໍ່ໄດ້ສະໜັບສະໜູນ ຫຼື ພັກດັນທ່ານ ທ່ານເລີຍຮູ້ສຶກໝົດໄຟເພາະບໍ່ມີຄົນມາກະຕຸ້ນ
  3. ຂາດ Work – Life Balance: ທ່ານບໍ່ສາມາດສົມດຸນກັນໄດ້ລະຫວ່າງວຽກ ແລະ ຊີວິດຂອງທ່ານ ກໍອາດຈະເຮັດໃຫ້ໝົດໄຟໄວຂຶ້ນ
  4. ວຽກທີ່ເຮັດບໍ່ເໝະກັບໂຕເຮົາ: ອັນນີ້ກໍເປັນອີກສາເຫດຫຼັກທີ່ເຮັດໃຫ້ຄົນໝົດໄຟ ເພາະວ່າຕ້ອງເຮັດໃນສິ່ງທີ່ເຮົາບໍ່ມັກ
  5. ວຽກ ຫຼື ໜ້າທີ່ບໍ່ຊັດເຈນ: ການຖືກມອບໝາຍວຽກ ຫຼື ເປົ້າໝາຍບໍ່ຊັດເຈນ ກໍເຮັດໃຫ້ທ່ານເສຍພະລັງງານໃນສິ່ງທີ່ມັນບໍ່ສົມຄວນເສຍ

ວິທີຮັບມືກັບການ Burnout

ເມື່ອຮູ້ວ່າເຮົາມີອາການໝົດໄຟແລ້ວ ກໍຄວນປັບປ່ຽນຮູບແບບຊີວິດຂອງເຮົາ ປັບປ່ຽນຕາຕະລາງເວລາ ແລະ ວາງເປົ້າໝາຍຊີວິດຄືນໃໝ່ ເພື່ອໃຫ້ມັນບໍ່ໝົດໄຟ.

  1. ເບິ່ງແຍງສຸຂະພາບ ຫາເວລາອອກກຳລັງກາຍ ກິນອາຫານທີ່ມີປະໂຫຍດ
  2. ພັກຜ່ອນໃຫ້ພຽງພໍ ນອນໃຫ້ມີຄຸນນະພາບ ບໍ່ແມ່ນນອນຫຼາຍຢ່າງດຽວ
  3. ເຮັດວຽກ ຫຼື ຮຽນໃຫ້ພໍດີ ຢ່າໜັກຈົນເກີນໄປ
  4. ຫາທາງອອກຈາກຄວາມຄຽດ ອາດຈະປຶກສາໝູ່ເພື່ອນ, ຫົວໜ້າ, ພໍ່ແມ່ ຄົນຮັກ ຫຼື ຄົນຊະນິດທີ່ທ່ານປຶກສາໄດ້ ລວມເຖິງການໄປທ່ຽວ ຫຼື ການໄດ້ອື່ນປຶ້ມ ຟັງເພງ ຫຼິ້ນເກມ
  5. ປະເມີນສິ່ງທີ່ໂຕເອງກຳລັງເຮັດ ຍ້ອນກັບມາເບິ່ງມັນຄືນວ່າມັນເປັນແນວໃດ ແລະ ຈະວາງແຜນຮັບມືໃນອະນາຄົດແນວໃດ

ຖ້າຫາກພົບວ່າໂຕເອງເລີ່ມໃຊ້ຄວາມຮຸນແຮງກັບໂຕເອງ ຫຼື ຄົນອ້ອມຂ້າງ ມີອາການຢາກຢູ່ຄົນດຽວຕະຫຼອດເວລາ ບໍ່ຕ້ອງການໃຜ ຢາກຂ້າໂຕຕາຍ ຄວນທີ່ຈະປຶກສາແພດໂດຍດ່ວນ.

ຖ້າບົດຄວາມນີ້ມີປະໂຫຍດ ກໍແຊໃຫ້ເພື່ອນໆຂອງທ່ານ ເພື່ອຈະໄດ້ໃຫ້ທຸກຄົນມີສຸຂະພາບຈິດທີ່ດີຂຶ້ນ

ອ້າງອີງ

https://www.pobpad.com

https://thestandard.co/

https://health.kapook.com


ປະກອບຄຳເຫັນ

This site uses Akismet to reduce spam. Learn how your comment data is processed.