Posts by: haamlezz

ພຽງກ້ອງດຽວກໍເຫຼືອກິນ Pixel 3 ມາຢ່າງໂຫດ

   |   By  |  No comments

yaklao pixel 3

ເຊື່ອວ່າຫຼາຍຄົນຄົງຈະເຮີໄປກັບ 2 ກ້ອງ, 3 ກ້ອງ ຫຼື 4 ກອ້ງ. ແຕ່ທາງ Pixel 3 ອອກມາໃໝ່ພຽງກ້ອງຫຼັງໜ່ວຍດຽວ ແລ້ວໄດ້ປະສິດຕິພາບທີ່ເຫຼືອລົ້ນ



ເລີ່ມຈາກພາບທຳອິດ ພາບນ້ອງໝາ

YAKLAO-PIXEL3

ປຽບທຽບ Portrait Mode

 

ຕໍ່ມາເປັນການຖ່າຍພາບ Wide Selfie

YAKLAO-PIXEL3

ເຊວຟີແບບປົກກະຕິ

YAKLAO-PIXEL3

ເຊວຟີແບບກວ້າງ

ລຳດັບຕໍ່ມາເປັນການຊູມແບບສຸດຍອດຊູມ

YAKLAO-PIXEL3

ນີ້ຄືພາບຊູມ

YAKLAO-PIXEL3

ນີ້ຄືຕົ້ນສະບັບ

ພາບຖ່າຍຕອນກາງຄືນ
yaklao-pixel3

https://cnet3.cbsistatic.com/img/rJTyPCuBO4es6-xCfMAuB8vjWhw=/2018/10/11/29ff8156-baae-4f57-bb14-2258765d1588/pixel-3-lobby-dark.jpg

ສຳລັບແອັດເອງແລ້ວຄືວ່າກ້ອງ Google Pixel 3 ຄືສຸດຍອດກ້ອງໃນປະຈຸບັນແລ້ວ ເພາະທັງໂຕເຊັນເຊີເອງ ແລະ AI ທີ່ສຸດຍອດ ລວມທັງ Dynamic Range ທີ່ກວ້າງ ເຮັດໃຫ້ເຮົາສາມາດໄດ້ແບບທີ່ເກັບທຸກໆລາຍລະອຽດໄດ້ເລີຍ

Source: https://www.cnet.com/news/heres-what-photos-from-the-pixel-3-camera-look-like-update/

 

ແຮັກເກີ້ ໂຈລະກຳເງິນໄປກວ່າ 1000ລ້ານໂດລາ

   |   By  |  No comments

ກຸ່ມແຮັກເກີຈາກເກົາຫຼີເໜືອໄດ້ໂຈລະກຳເງິນຫຼາຍກວ່າ 1000ລ້ານໂດລາ ຈາກເຄືອຂ່າຍ Swift.

ຕາມການແຈ້ງເຕືອນຂອງ FireEye ໜ່ວຍງານພິເສດດ້ານຄວາມປອດໄພໄດ້ແຈ້ງໃຫ້ຮູ້ວ່າ ກຸ່ມແຮັກເກີຈາກເກົາຫຼີເໜືອ ໄດ້ພະຍາຍາມຈະໂຈລະກຳເງິນຈາກລະບົບ Swift ທີ່ໃຊ້ໂອນເງິນຈາກ 16 ສະຖານບັນການເງິນທົ່ວໂລກຕັ້ງແຕ່ປີ 2014.

ປະເທດເກົາຫຼີເໜືອຖືກຈັດອັນດັບເປັນປະເທດທີ່ສ້າງໄພຄຸກຄາມທາງ ໄຊເບີ ເປັນອັນດັບຕົ້ນໆ ຈາກການໂຈລະກຳເງິນໃນທະນາຄານຂອງ ບັງກະລາເທດ (ອິນເດຍ) ໄປ 81 ລ້ານໂດລາ ເຊິ່ງແຮັກເກີໄດ້ນຳໃຊ້ລະບົບຂອງ Swift ທຳການໂອນເງິນຈາກທະນາຄານກາງຂອງສະຫະລັດ ຈຳນວນ 81 ລ້ານໂດລາຈາກບັນຊີຂອງເຫຍື່ອ ໄປຍັງບັນຊີຂອງແຮກເກີຢູ່ໃນຟີລິບປິນ.

FireEye ເຊື່ອວ່າມີຫຼາຍກຸ່ມທີ່ນຳໃຊ້ ມາວແວ ຄ້າຍໆກັນທຳການໂຈມຕີ ເຊິ່ງເຊື່ອມຕໍ່ກັບກຸ່ມແຮັກເກີຊື່ ລາຊາຣັສ ທີ່ໄດ້ຮັບການສະໜັບສະໜູນຈາກລັດສະບານເກົາຫຼີເໜືອ.

FireEye ຍັງເຊື່ອອີກວ່າເບື້ອງຫຼັງການໂຈມຕີທະນາຄານໃນ ບັງກະລາເທດ ແມ່ນຝີມືຂອງກຸ່ມແຮັກເກີນາມວ່າ APT 38 ເຊິ່ງກຸ່ມນີ້ໄດ້ພະຍາຍາມທີ່ຈະໂຈລະກຳເງິນ 1000ລ້ານໂດລາ ຈາກ 16 ສະຖາບັນການເງິນ ໃນ 11 ປະເທດ.

ກຸ່ມນີ້ໄດ້ມີການວາງແຜນຢາງແນບນຽນໃນລະບົບຂອງເຫຍື່ອປະມານ 155ມື້ ກ່ອນທີ່ຈະລົງມືໂຈລະກຳ.

ຂັ້ນຕອນທຳອິດແມ່ນໄດ້ສຶກສາເບິ່ງວ່າມີພະນັກງານຄົນໃດທີ່ເຂົ້າເຖິງລະບົບ Swift ກ່ອນທີ່ລະບົບຈະກວດພົບ. ແລ້ວພວກເຂົາກໍຕິດຕັ້ງ ມາວແວ ແລະ ເຄື່ອງມືສຳຫຼວດເຄືອຂ່າຍ. ຈາກນັ້ນກໍຈະທຳການໂອນເງິນດ້ວຍລະບົບຂອງ Swift ໄປຫຼາຍໆປະເທດເພື່ອໃຫ້ຟອກເງິນໄດ້ງ່າຍຂຶ້ນ. ສຸດທ້າຍກໍທຳລາຍຫຼັກຖານຖິ້ມ.

FireEye ໄດ້ລະບຸວ່າການຈູ່ໂຈມນີ້ແມ່ນເກີດຂຶ້ນຍ້ອນເຫຍື່ອ ບໍ່ແມ່ນໂຕລະບົບ Swift

ເຖິງແມ່ນວ່າຈະມີການປ້ອງກັນ ແລະ ປາບປາມຫຼາຍພຽງໃດ ແຕ່ APT 38 ກໍຍັງຄົງເຄື່ອນໄຫວ ແລະ ເປັນອັນຕະລາຍຕໍ່ສະຖາບັນການເງິນທົ່ວໂລກ. ຈາກການໂຈມຕີ ແລະ ມີຜົນກະທົບເປັນວົງກວ້າງ,​ກຸ່ມ APT 38 ຖືກຈັດວ່າເປັນກຸ່ມທີ່ອັນຕະລາຍທີ່ສຸດກຸ່ມໜຶ່ງ.

ຂໍມູນເພີ່ມຕື່ມອ່ານໄດ້ທີ່ https://www.finextra.com/finextra-downloads/newsdocs/rpt-apt38-2018-web_v4.pdf

Canon ເປີດລາຄາ EOS R ໃນໄທ ລາຄາ 82,900ບາດ

   |   By  |  No comments

ແຄນນອນ ປະເທດໄທ ເປີດລາຄາ Canon EOS R ໂດຍເລີ່ມວາງຈຳໜ່າຍວັນທີ 12 ຕຸລາ 2018 ເປັນຕົ້ນໄປ

  • EOS R (body): 82,900 ບາດ
  • EOS R ພ້ອມເລັນຄິດ RF 24-105: 122,900ບາດ
  • ເລັນ RF 25-105 f/4 L IS USM: 39,790 ບາດ
  • RF 50mm f/1.2L USM: 85,290 ບາດ
  • RF 28-70mm f/2L USM: 111,400ບາດ
  • RF 35mm f/1.8 IS STM: 19,900 ບາດ
  • Mount Adapter EF-EOS R: 3,990 ບາດ
  • Control Ring Mount Adapter EF-EOS R: 7,990 ບາດ
  • Drop-in Filter Mount Adapter Ef-EOS R: ແຈ້ງລາຄາພາຍຫຼັງ
  • Batter Grip BG-E22: 11,900ບາດ
  • Flash Speedlite EL-100: 6,900 ບາດ

Canon EOS R ເປັນກ້ອງ mirrorless fullframe ທີ່ໃຊ້ mount RF ເຊິ່ງມີຂະໜາດເສັ້ນຜ່ານສູນກາງເທົ່າກັບເລັນ EF ແຕ່ໄລຍະທ້າຍເລັນເຖິງເຊັນເຊີ ທີ່ສັ້ນກວ່າ ແລະ ມີຂົ້ວໄຟຟ້າສຳພັດເຖິງ 12 ຈຸດເພື່ອການເຮັດວຽກທີ່ໄວກວ່າ ມັນຍັງມາພ້ອມກັບກັບອະແດັບເຕີ ທີ່ເຮັດໃຫ້ເຮົາສາມາດນຳໃຊ້ເລັນ EF ໄດ້

Canon EOS R ເປັນເຊັນເຊີເຕັມຂອບ 30.0ລ້ານພິກເຊວ ມີຊິບປະມວນຜົນ DIGIC 8 ພ້ອມກັບຈຸດໂຟກັສ Dual Pixel CMOS AF 5,655ຈຸດສາມາດໂຟກັສໃນທີ່ແສງໜ້ອຍໄດ້ເຖິງ -6EV

ISO 50-102,400. ບັນທຶກຟາຍເປັນ RAW 14bit ແລະ C-RAW ສາມາດເລືອກຂະໜາດຂອງ RAW ຟາຍໄດ້ອີກດ້ວຍ ຊັດເຕີຢູ່ທີ່ 1/8000 ແລະ ສຳພັນກັບແຟລຊທີ່ 1/200

ມີໜ້າຈໍແບບສຳພັດ ແລະ ມີຊ່ອງມອງພາບແບບອີເລັກໂຕນິກ ຮູບຊົງແບບກ້ອງ DSLR ມີຊ່ອງໃສ່ SD Card ແບບ USH-II ໜຶ່ງຊ່ອງ ມີ USB-C ຊອງຫູຟັງ ຊ່ອງໄມ ມີ Wifi ແລະ Bluetooth ໃນໂຕ

ລາຍລະອຽດເພີ່ມຕື່ມທີ່https://m.pantip.com/topic/38027451?

ແລະ https://www.blognone.com/node/105799

Samsung Galaxy A9 ມາພ້ອມ 4 ກ້ອງຫຼັງ

   |   By  |  No comments

ຈາກຂ່າວລືຕ່າງໆນາໆໃນໄລຍະທີ່ຜ່ານມາ, ໃນທີ່ສຸດ ຊຳຊຸງ ກໍເປີດໂຕໂທລະສັບລຸ້ນໃໝ່ Galaxy A9 ທີ່ມາພ້ອມກ້ອງຫຼັງ 4 ກ້ອງ. ແມ່ນແລ້ວ ອ່ານບໍ່ຜິດ ມັນມາ 4 ກ້ອງ.

  • ກ້ອງທີ 1 ມີ 8 ລ້ານພິກເຊວ ເປັນກ້ອງສຳລັບມູມກວ້າງ 120 ອົງສາ ຮູຮັບແສງ f/2.4
  • ກ້ອງທີ 2 ມີ 10 ລ້ານພິກເຊວ ເປັນກ້ອງມູມແຄບ(ຖ່າຍໄກ) ຮູຮັບແສງ f/2.4 ເຊັ່ນກັນ ແລະ ສາມາດຊູມໄດ້ 2 ເທົ່າ
  • ກ້ອງທີ 3 ເປັນກ້ອງຫຼັກ ມີ 24 ລ້ານພິກເຊວ ຮູຮັບແສງ f/1.7
  • ກ້ອງທີ 4 ມີ 5 ລ້ານພິກເຊວ ຮູຮັບແສງ f/2.2 ສາເຫດທີ່ພິກເຊວຕໍ່າເພາະໃຊ້ເກັບພາບຊັດຕື້ນຊັດເລິກເວລາຖ່າຍພາບບຸກຄົນ (ຖ່າຍຊັດໜ້າເບີຫຼັງ)



Galaxy A9 ມາພ້ອມຂໍ Super AMOLED ກວ້າງ 6.3ນິ້ວ 2160 x 1080 ອັດຕາສ່ວນ 18:9 ແລະ ມີລູກຫຼິ້ນ Always on Display ຄືກັບ Galaxy S9 ແລະ Note 9 ເພື່ອສະແດງຂໍ້ມູນຕ່າງໆໃນຂະນະທີ່ໂທລະສັບຖືກລ໊ອກໜ້າຈໍ.

ຝັງຊິບ Snapdragon 660 ແລະ ມີ RAM 6 GB. ພື້ນທີ່ຈັດເກັບຂໍ້ມູນ 128 GB ສາມາດເສີມເມັມໄດ້ອີກ 512 GB. ຊໍ່າຊິເກັບຮູບເລີຍບາດນິ. ແຖມຍັງມີແຜ່ນສະແກນລາຍນິ້ວມືມາໃຫ້ອີກ.

ແບັດທົນທານ 3800mAh. ຫົວສາກແບບ USB Type-C ມີລະບົບສາກດ່ວນ ແຕ່ໜ້າເສຍດາຍບໍ່ມີລະບົບສາກໄຮ້ສາຍ.

ແຕ່ທີ່ໜ້າເສຍດາຍແມ່ນມັນມາພ້ອມກັບລະບົບປະຕິບັດການ Android 8.0 Oreo ເຊິ່ງໃນຍຸກນີ້ໜ້າຈະເປັນ Android 9 Pie ແລ້ວ.

ເຖິງຢ່າງໃດກໍຕາມ Galaxy A9 ກໍເປັນທາງເລືອກອີກທາງໜຶ່ງສຳລັບສາຍຖ່າຍຮູບເລີຍລະ. ເປີດໂຕມາໃນລາຄາປະມານ 725 ໂດລາສະຫະລັດ. ເຊິ່ງຄາດວ່າຈະວາງຂາຍໃນເດືອນພະຈິກປີນີ້ ແຕ່ຍັງບໍ່ຮູ້ວ່າຈະເປັນປະເທດໃດກ່ອນໝູ່.

Waner Bro ປ່ອຍຕົວຢ່າງ Aquaman

   |   By  |  No comments

ນັບຖອຍຫຼັງອີກພຽງ 2 ເດືອນ ພວກເຮົາກໍຈະໄດ້ພົບກັບຍອດມະນຸດໃຕ້ບາດານ Aquaman. ເຊິ່ງໃນງານ New York Comic Con  Warner Bros ກໍໄດ້ປ່ອຍທີເດັດຕົວຢ່າງ Aquaman ທີ່ມີຄວາມຍາວ 5 ນາທີ.

ເຊິ່ງໃນຕົວຢ່າງສະບັບນີ້ກໍເລີ່ມມີການເປີດເຜີຍເຖິງຕົ້ນກຳນເນີດຂອງ Aquaman ຫຼື Arthur Curry ທີ່ເປັນລູກຊາຍຂອງຄົນເຝົ້າປະພາຄານ ແລະ ລາຊີນີແຫ່ງ Atlantean.

ອາເທີ ຕ້ອງເດີນທາງຮ່ວມກັບ ມີຣາ ເພື່ອຕາມຫາຕີສູນໃນຕຳນານ ເພື່ອຮວບຮວມອານາຈັກຄືນໃໝ່. ແນ່ນອນຕ້ອງພົບກັບອຸປະສັກຕ່າງໆນາໆ ທັງ ໂອມ ລາຊາແຫ່ງ ແອັດແລນທິສ ແລະ ແບຼກແມັນທາ ຫຸ່ນຍົນຊຸດເກາະ.

ທີ່ສຳຄັນແມ່ນຍັງໄດ້ເປີດເຜີຍໃຫ້ເຫັນຊຸດເກາະໃໝ່ສີທອງຂອງ ອາຄວາແມນ ເຊິ່ງສ້າງຄວາມຮືຮາພໍສົມຄວນ

Aquaman ເປັນໜຶ່ງໃນບັນດາຍອດມະນຸດຂອງ DCEU (DC Extended Universe)ຜົນງານກຳກັບຂອງ James Wan ເຈົ້າຂອງຜົນງານ Furious 7 ແລະ The Conjuring 1-2. ຈາກຕົວຢ່າງແລ້ວ Aquaman ຄົງຈະກູ້ກຽດ ແລະ ສັກສີຂອງ DC ຄືນມາໄດ້ດີພໍໆກັບ Wonder Woman

Aquaman ຈະເຂົ້າສາຍໃນວັນທີ 13 ທັນວາ 2018 ນີ້

ອ້າງອີງຈາກ Beartai.com ແລະ Theverge.com

ກ້ອງ iPhone XS Max ໄດ້ທີ 2 ຈາກ DxO Mark

   |   By  |  No comments

ເວັບໄຊ້ DxO Mark ໄດ້ປ່ອຍຣີວິວກ້ອງ iPhone XS Max ລຸ້ນໃໝ່ລ່າສຸດຈາກຄ້າຍໝາກໂປ່ມແວ່ງ ດ້ວຍຄະແນນ 105 ນຳຫຼັງພຽງແຕ່ P20 ຈາກຄ້າຍຫົວຫວ້າຍ ທີ່ມີຄະແນນ 109. ຫ່າງກັນພຽງ 4 ຄະແນນເທົ່ານັ້ນ ສິວສຽດຫຍັງຂະໜາດນັ້ນ.

ເວັບໄຊ້ DxO Mark ໄດ້ທຳການທົດລອງກ້ອງຂອງ iPhone XS Max ທັງຖ່າຍຮູບ ແລະ ວິດີໂອ ໃນສະພາບຕ່າງໆ ເຊິ່ງຜົນປະກົດວ່າມີພຽງເລື່ອງຂອງການໂຟກັສພາບເທົ່ານັ້ນທີ່ມີຄະແນນຮອດ 100 ແຕ່ກໍຖືວ່າດີຂຶ້ນຖ້າທຽບກັບ iphone X ລຸ້ນກ່ອນທີ່ເຮັດຄະແນນໄດ້ພຽງ 97 ຄະແນນ.

ສິ່ງທີ່ເດັ່ນມາໃນ iPhone XS Max ແມ່ນເລື່ອງຂອງການຖ່າຍພາບແບບ HDR ທີ່ສາມາດບັນທຶກພາບຄັ້ງດຽວໃນຄວາມສະຫວ່າງທີ່ແຕກຕ່າງກັນ ໂດຍບໍ່ມີອາການກະຕຸກ ຫຼື ຄ້າງໃນຄະແນນຖ່າຍຮູບ ເຊິ່ງເປັນຈຸດຂາຍທີ່ດີຂອງ iPhone

ສຳລັບພາບນິ້ງແມ່ນເຮັດໄດ້ດີຂຶ້ນໃນເລື່ອງການຊູມ ແລະ ໃນໂໝດຖ່າຍພາບບຸກຄົນກໍຖືວ່າມີການພັດທະນາຂຶ້ນມາໃນລະດັບໜຶ່ງ ສາມາດແຍກຄົນອອກຈາກສາກຫຼັງໄດ້ດີຍິ່ງຂຶ້ນ ອາດຈະເນື່ອງມາຈາກລະບົບໂຟກັສທີ່ ຖືກພັດທະນາໃໝ່

ສຳລັບພາບວີດີໂອແມ່ນຖືວ່າຍັງເປັນຈຸດອ່ອນຂອງ iPhone ມາແຕ່ໃດໃນເລື່ອງຂອງສົມດຸນສີເວລາຖ່າຍໃນສະພາວະແສງໜ້ອຍ ຫຼື ຖ່າຍໃນບ່ອນທີ່ບໍ່ມີແສງທຳມະຊາດ. ແຕ່ສຳລັບບ່ອນທີ່ມີແສງສະຫວ່າງພຽງພໍ ຫຼື ໃຊ້ແສງທຳມະຊາດກໍຖືກວ່າເຮັດໄດ້ອອກມາດີພໍສົມຄວນເມື່ອທຽບກັບລຸ້ນທີ່ຜ່ານມາ

ສາມາດເຂົ້າໄປອ່ານຣີວິວສະບັບເຕັມໄດ້ທີ່ https://www.dxomark.com/apple-iphone-xs-max-review-flagship-imaging-power/

ຫຸ່ນຍົນອາດແທນທີ່ຄົນ ໃນວຽກງານກະສິກຳ

   |   By  |  No comments


ອີງຕາມການລາຍງານຂອງ www.technogoyreview.com ໄດ້ບອກໃຫ້ຮູ້ວ່າ Iron Ox ກຳລັງຈະເປີດສູນ Hydroponic ກວ້າງ 743 ຕາແມັດ ເຊິ່ງຈະກາຍເປັນ startup ດ້ານກະສິກຳທີ່ຈະຜະລິດຜັກສົດໃນເມືອງ San Carlos, ໃກ້ກັບ San Francisco ໂດຍຈະໃຊ້ຫຸ່ນຍົນເຂົ້າມາແທນທີ່ມະນຸດ

ໃນຂະນະນີ້ເຂົາກຳລັງທົດສອບປູກຜັັກ ໂດຍໃຊ້ແຂນກົນໃນການເຄື່ອນຍ້າຍຜັກ ຈາກໜານໜຶ່ງໄປອີກໜານໜຶ່ງ. ເຊິ່ງທານ ອາເລັກຊານເດີ້ ໄດ້ກ່າວວ່າ ພວກເຮົາມີຫຸ່ນຍົນຫຼາຍໂຕ ເຮັດໜ້າທີ່ແຕ່ລະອັນ ແຕ່ວ່າພວກມັນບໍ່ປະສານງານກັນ

ສະນັ້ນ Iron Ox ຈຶ່ງໄດ້ພັດທະນາໂປຣແກຣມຊື່ວ່າ The Brain ເພື່ອທີ່ຈະຊ່ວຍໃຫ້ບັນດາຫຸ່ນຍົນເລົ່ານີ້ ເຮັດວຽກປະສານງານກັນ ຄ້າຍໆກັບວ່າ ໃຊ້ຕາໜ່ວຍດຽວກວດສອບເບິ່ງທຸກຢ່າງຢູ່ໃນຟາມເຊັ່ນ ລະດັບຂອງ ໄນໂຕຣເຈັນ, ອຸນຫະພູມ ແລະ ຕຳແໜ່ງຂອງຫຸ່ນຍົນ. ເຊິ່ງຫຸ່ນຍົນເລົ່ານີ້ກໍຕ້ອງໄດ້ປະຕິບັດງານ ຮ່ວມກັນກັບມະນຸດ.

ເຖິງຢ່າງໃດກໍຕາມ, ວຽກງານບາງຢ່າງກໍຍັງຕ້ອງການມະນຸດໃນການປະຕິບັດການເຊັ່ນ ການປ້ອນເມັດພັນຜັກເຂົ້າສູ່ລະບົບ ແຕ່ທ່ານ ອາເລັກຊານເດີ້ ຫວັງວ່າ ມື້ໜຶ່ງຫຸ່ນຍົນຈະມາແທນທີ່ໃນວຽກນີ້

ຖ້າຫາກການທົດລອງຄັ້ງນີ້ສຳເລັດ ທ່ານ ອາເລັກຊານເດີ້ ຫວັງວ່າຈະແກ້ໄຂບັນຫາ 2 ຢ່າງຄື ເລື່ອງຂອງແຮງງານ ແລະ ຜັກສົດຈາກຟາມທີ່ຢູ່ໃນເມືອງ

ຫຸ່ນຍົນ ຈະບໍ່ໄດ້ເຂົ້າມາແທນທີ່ມະນຸດໃນທັນທີ ແຕ່ຈະເປັນການປະຢັດຄ່າໃຊ້ຈ່າຍເລື່ອງຂອງການຈ້າງແຮງງານໃນເມືອງທີ່ມີ ຄ່າແຮງງານສູງ ເນື່ອງຈາກນີ້ແມ່ນຟາມທີ່ຕັ້ງຢູ່ໃຈການເມືອງໃຫຍ່ ເຊິ່ງໃນໂຕເມືອງຈະໄດ້ຮັບຜັກສົດອອກຈາກຟາມ ແທນທີ່ຈະຕ້ອງໃຊ້ເວລາໃນການເດີນທາງຫຼາຍກິໂລກວ່າຈະມາເຖິງຕະຫຼາດ.


ບັນຫາໃນການສ້າງຟາມແບບ indoor ແມ່ນເລື່ອງຂອງການລົງທຶນເບື້ອງຕົ້ນທີ່ຂ້ອນຂ້າງສູງຫຼາຍ ເມື່ອທຽບກັບການເຮັດ ຟາມແບບ outdoor ເພາະຕ້ອງລົງທຶນກັບບັນດາອຸປະກອນຕ່າງໆ ແລະ ຕ້ອງມີຄວາມຊ່ຽວຊານສູງໃນເລື່ອງຂອງກະສິກຳ ເຊິ່ງອາດຈະບໍ່ເໝາະກັບການປູກກິນໃນຄົວເຮືອນ ແຕ່ເໝາະກັບການອຸດສະຫະກຳການກະເສດຫຼາຍກວ່າ.

ການນຳລະບົບກະສິກຳແບບອັດຕະໂນມັດເຂົ້າມາຊ່ວຍທັງແບບ indoor ແລະ outdoor ຈະຊ່ວຍພັດທະນາອຸສະຫະກຳການກະເສດໃນໄລຍະຍາວໃນເລື່ອງຂອງ ແຮງງານຄົນ.

Source: https://www.technologyreview.com/s/612230/new-autonomous-farm-wants-to-produce-food-without-human-workers/

Office Syndrome ຫຼື ພະຍາດຫ້ອງການ

   |   By  |  No comments

Office Syndrome ຫຼື ພະຍາດຫ້ອງການ ເກີດມາຈາກການທີ່ຄົນເຮົານັ່ງຢູ່ທີ່ຫ້ອງການ ແລ້ວບໍ່ຄ່ອຍໄດ້ເຄື່ອນໄຫວເປັນເວລາດົນເລີຍເປັນສາເຫດໃຫ້ເກີດມີອາການດັ່ງນີ້

  • ເຈັບຫຼັງ
  • ເຈັບແອວ
  • ເຈັບງ່ອນ
  • ເຈັບຫົວ
  • ປວດເບົ້າຕາ
  • ປວດຕາມບ່າ
  • ປວດແຂນ, ຂໍ້ມື ແລະ ນິ້ວມຶ

ບັນດາອາການທີ່ກ່າວມາຂ້າງເທິງນັ້ນ ເຮົາຕ້ອງໄດ້ແບ່ງອອກເປັນໝວດໝູ່ ແລ້ວທຳການບຳບັດ ແລະ ປັບປຸງວິທີໃຫ້ຖືກຕ້ອງ ເພື່ອຫຼຸດຜ່ອນອາການປວດ ແລະ ຫຼຸດຜ່ອນຄວາມສ່ຽງທີ່ຈະເຮັດໃຫ້ປວດ.

ປວດກ້າມເນື້ອ ແຜ່ນຫຼັງ, ງ່ອນ, ບ່າ

ຖ້າຫາກມີອາການປວດຕາມບ່ອນທີ່ກ່າວມານັ້ນ ແມ່ນໃຫ້ປັບວິທີການນັ່ງ ຢ່ານັ່ງແອນເກີນໄປ ແລະ ໃຫ້ໝັ່ນປັບປ່ຽນທ່ານັ່ງເລື້ອຍໆ ໂດຍໃຫ້ລຸກຍ່າງທຸກໆ 15 ນາທີ ເພື່ອໃຫ້ເລືອດໄດ້ຖ່າຍເທໄປຈຸດອື່ນໆ ແລະ ກ້າມເນື້ອໄດ້ເຄື່ອນໄຫວ.

ປວດແຂນ, ຂໍ້ມຶ ແລະ ນິ້ວມື

ຖ້າຫາກມີອາກາດປວດຕາມບ່ອນທີ່ກ່າວມານັ້ນ ແມ່ນໃຫ້ປັບພຶດຕິກຳການນຳໃຊ້ຄອມພິວເຕີ ຫຼື ໂທລະສັບມືຖື ເນື່ອງຈາກວ່າເວລາເຮົາເບິ່ງທີ່ຈໍຄອມແມ່ນຕ້ອງໄດ້ເກັງກ້າມເນື້ອຕາ ເຮັດໃຫ້ປວດຕາ ໃຫ້ແກ້ໄຂໂດຍການໝັ່ນກະພິບຕາ ແລະ ໃຫ້ຫຼຽວໄປເບິ່ງທາງອື່ນ.

ຂໍ້ມຶ ແລະ ນິ້ວມື ແມ່ນເປັນຍ້ອນການວາງມືບໍ່ຖືກເວລານຳໃຊ້ຄອມພິວເຕີ ນິ້ວມືກໍເຊັ່ນກັນ ແມ່ນໃຫ້ປັບທ່າໃຫ້ເໝາະສົມ

ເຈັບຫົວ

ອາການນີ້ແມ່ນເກີດຈາກຫຼາຍປັດໃຈ ແຕ່ໜຶ່ງໃນນັ້ນແມ່ນເກີດມາຈາກການທີ່ເຮົາໃຊ້ຄວາມຄິດຫຼາຍ ຫຼື ໃຊ້ສາຍຕາຫຼາຍຈົນເກີນໄປ ກໍເຮັດໃຫ້ເກີດອາການດັ່ງກ່າວໄດ້. ສະນັ້ນ ຖ້າເລີ່ມຮູ້ສຶກເຈັບຫົວແມ່ນໃຫ້ພັກສາຍຕາມກ່ອນຈັກ 5 ນາທີ ແລ້ວຈຶ່ງເຮັດວຽກຕໍ່. ແຕ່ຖ້າບໍ່ມີເວລາວ່າງອີ່ຫຼີກໍໃຫ້ຫຼັບຕາ ແລ້ວນັ່ບ 1 ຮອດ 10 ກໍໄດ້.

 

ສຸດທ້າຍຂໍຝາກຄຼິບວີດີໂອຈາກ Fitjuntion ເພື່ອໃຫ້ໄດ້ລອງບໍລິຫານກ້າມເນື້ອແບບງ່າຍໆຂອງມະນຸດຫ້ອງການ

Huawei ແຈກພາວເວີແບ້ງ ໃຫ້ກັບຄົນທີ່ນອນຖ້າຊື້ iPhone Xs ທີ່ ສິງກະໂປ “ເພາະເຈົ້າຈຳເປັນຕ້ອງມີສິ່ງນີ້”

   |   By  |  No comments

ນີ້ເປັນການຕະຫຼາດທີ່ດີອີກແບບໜຶ່ງ ໃນການເລີ່ມຈຳໜ່າຍ iPhone Xs / Xs Max ທີ່ສິງກະໂປ ເຊິ່ງກໍມີຄົນມານອນລໍຖ້າເປັນຈຳນວນຫຼາຍທີ່ໜ້າ Apple Store ໂດຍພົບເຫັນເຈົ້າໜ້າທີ່ສວມເສື້ອ Huawei ເລາະແຈກສິ່ງຂອງໃຫ້ແກ່ຜູ້ທີ່ມານອນລໍຖ້າຊື້ iPhone.

ສິ່ງທີ່ແຈກນັ້ນແມ່ນ ພາວເວີແບ້ງ ຄວາມຈຸ 1,000 mAh ແບບ Super Charge ໃນລາຄາ 98 ດອລລາສິງກະໂປ ພ້ອມກັບຂໍ້ຄວາມເທິງກ່ອງທີ່ລະບຸວ່າ Here is a power bank. You’ll need it. ນີ້ຄືພາວເວີແບ້ງ ເພາະທ່ານຈຳເປັນຕ້ອງໃຊ້

ພາວເວີແບ້ງທີ່ເຮັດມາແຈກຄັ້ງນີ້ມີຈຳນວນ 2,000 ອັນຕາມການຢືນຢັນຂອງໂຕແທນຈຳໜ່າຍ Huawei. ສາເຫດການແຈກຄັ້ງນີ້ກໍບໍ່ຮູ້ແນ່ນອນວ່າຍ້ອນຫຍັງ ແຕ່ຄົງຈະເປັນການຕອກຢໍ້າຈຸດອ່ອນຂອງ iPhone ເລື່ອງຄວາມຈຸຂອງແບັດເຕີຣີທີ່ບໍ່ພຽງພໍສຳລັບການໃຊ້ງານ.

ທີ່ມາ: https://mothership.sg/2018/09/huawei-troll-apple/

 

100 ປີ ມີຄັ້ງ ພະຈັນສີເລືອດ

   |   By  |  No comments

ອີງຕາມຂໍ້ມູນໃນຈາກເວັບ https://www.timeanddate.com/ ກ່ຽວກັບພະຈັນສີແດງໃນມື້ນີ້ໄດ້ບອກເຮົາຮູ້ວ່າ

ຄືນວັນທີ 28 ກໍລະກົດ, ເວລາ 00:14 ໂມງ ຈະມີປະກາດການພະຈັນສີແດງ (ກົບກິນເດືອນ) ແລະ ຈະເປັນສີແດງຍາວໄປຈົນເຖິງເວລາ 03:21ໂມງ  ເຊິ່ງເປັນປະກົດການກົບກິນເດືອນທີ່ຍາວນານທີ່ສຸດໃນປະຫວັດສາດ. … Continue reading