Apple ປ່ອຍ MacBook Pro 2018 ຢ່າງເປັນທາງການ

By on

ມາດ້ວຍຄຳຂວັນແບບຂົ່ມຄູ່ແຂ່ງ MacBook Pro More power. More performance. More pro. ພະລັງທີ່ເໜືອກວ່າ, ປະສິດຕິພາບທີ່ດີກວ່າ, ມີຄວາມເປັນມືອາຊີບກວ່າ

ແອັບເປີ້ນປ່ອຍແມັກບຸກໂປຣ ປີ 2018 ອອກມາໃໝ່ໝາດໆ ເອີ້ນແບບວ່າສົດຈາກເຕົາກັນເລີຍກໍວ່າໄດ້. ມາດ້ວຍພະລັງທີ່ເໝືອເຈົ້າອື່ນແບບຫຼາຍຂຸມ ມີທັງຫົວໜ່ວຍປະມວນຜົນໃໝ່, ໜ່ວຍຄວາມຈຳທີ່ຫຼາຍຂຶ້ນ, ຈໍເຣຕິນາແບບໃໝ່ລ່າສຸດ ແລະ ທັສບາທີ່ເຮັດວຽກໄດ້ນຸ້ມນວນກວ່າເກົ່າ. ເອົາຊະແອັດມິນນໍ້າລາຍໄຫຼເຍີ້ມເລີຍລະ.

Feature – ຈຸດເດັ່ນ

ເຄື່ອງທີ່ປ່ອຍອອກມາກໍເຊັ່ນເຄີຍຄືມີລຸ້ນ 13 ນິ້ວ ແລະ 15 ນິ້ວ. ເຊິ່ງແອັບເປີ້ນຍົກສູງແມັກບຸກລຸ້ນນີ້ວ່າເໝາະຢ່າງຍິ່ງກັບບັນດາອາຊີບຊ່າງພາບ, ຕັດຕໍ່ວິດີໂອ, ຂຽນໂປຣແກຣມ, ອອກແບບ 3 ມິຕິ ແລະ ຫຼິ້ນເກມ (ຂໍ້ສຸດທ້າຍນິບໍ່ແນ່ໃຈປານໃດເດີ້) ເຊິ່ງເພິ່ນບອກວ່າມີຂຸມພະລັງໃໝ່ນັ້ນກໍຄື Intel Core i9 ທີ່ມີຄວາມໄວໂມງ2.9GHz – 4.8GHz ມາແຮງຈັດເຕັມອັດເທີໂບຢ່າງຄັກແນ່.

ແມັກບຸກໂປຣ 2018 ລຸ້ນນີ້ມາພ້ອມກັບຊິບປະມວນຜົນພາບ Radeon Pro 4GB GDDR5 ສາມາດປະມວນຜົນພາບແບບທັນທີທັນໃດ Real-time ເໝາະກັບງານ 3 ມິຕິຢ່າງຍິ່ງ ແລະ ຍັງມີ Touchbar ທີ່ຝັງໜ່ວຍຄວາມຈຳ DRAM ຕ່າງຫາກ 128MB ເພື່ອບໍ່ໄປຍາດໜ່ວຍຄວາມຈຳຫຼັກ.

Blackmagic eGPU ເປັນຫົວໜ່ວຍປະມວນຜົນພາບແບບແຍກ ຫຼື External Graphic Processing Unit (eGPU) ທີ່ສາມາດເພີ່ມປະສິດຕິພາບຂອງແມັກບຸກໂປຣໃນການປະມວນຜົນພາບໃຫ້ຮຸນແຮງ ແລະ ດຸເດືອດຂຶ້ນກວ່າເກົ່າ ໂດຍສຽບຜ່ານຮູ Thunderbolt 3 ເຮັດໃຫ້ແມັກບຸກມີຫົວໜ່ວຍປະມວນຜົນພາບເພີ່ມຂຶ້ນມາອີກ ເໝາະກັບງານທີ່ຕ້ອງໃຊ້ VR (Virtual Reality) (ຈັ່ງແມ່ນແຮງໄດ້ໃຈເດ້ເນາະ)

ມາພ້ອມກັບຊິບ Apple T2 ທີ່ອອກແບບໂດຍ ແອັບເປີ້ນ ເພື່ອແມັກບຸກລຸ້ນນີ້ໂດຍສະເພາະ. Apple T2 ແມ່ນຊິບປະມວນຜົນທີ່ຈະເຮັດໃຫ້ແມັກບຸກລຸ້ນນີ້ປອດໄພຍິ່ງຂຶ້ນເພາະມີໂຕປະມວນຜົນຮ່ວມ Secure Enclave  ຊ່ວຍໃນການປ້ອງເຈາະເຂົ້າລະບົບຕັ້ງແຕ່ຕອນເລີ່ມເປີດເຄື່ອງ ລວມໄປເພິ່ງການເຂົ້າລະຫັດພື້ນທີ່ຈັດເກັບຂໍ້ມູນ ເຮັດໃຫ້ຂໍ້ມູນຂອງເຮົາປອດໄພຍິ່ງຂຶ້ນ. ພ້ອມກັນນັ້ນ, ຍັງເປັນຊິບຄວບຄຸມການສັ່ງການດ້ວຍສຽງ ເຮັດໃຫ້ເຮົາສາມາດໃຊ້ຄຳສັ່ງ Hey Siri ໄດ້ຕະຫຼອດເວລາເພື່ອເປີດແອັບ, ເອກະສານ, ເປີດເພງ ແລະ ຕອບຄຳຖາມເຮົາພ້ອມ. (ມາແບບຄົບເລີຍເນາະ ແອັບເປິ້ນເອີ້ຍ)

ທຸກຢ່າງຈະໄວຂຶ້ນ ດັ່ງທີ່ແອັດເຄີຍເວົ້າວ່າ ຈົ່ງໃຊ້ SSD ແລ້ວຊິວິດຈະປ່ຽນ. ແມັກບຸກໂປຣ ລຸ້ນນີ້ມາພ້ອມກັບ SSD ທີ່ມີທັງຄວາມຈຸ ແລະ ຄວາມໄວແບບລ້ຳໆ ໂດຍມີໃຫ້ເລືອກ 2TB ກັບ 4TB ເຊິ່ງມີຄວາມໄວໃນການ ອ່ານ/ຂຽນ ຢູ່ທີ່ 3.2/2.2GBps. ດ້ວຍຄວາມສາມາດຂອງ Apple T2 ມັນຈະເຂົ້າລະຫັດທຸກຢ່າງໂດຍອັດຕະໂນມັດທັນທີ່ ສະນັ້ນຫາຍຫ່ວງວ່າເຂົາຈະມາໂຈລະກຳຂໍ້ມູນຂອງເຮົາໄດ້.

ນອກຈາກນັ້ນຍັງມາພ້ອມກັບຮູສຽບ USB-Type C ທີ່ໂອນຖ່າຍຂໍ້ມູນໄດ້ເຖິງ 40GBps ໄວໂຄດໆກັນເລີຍ, ລະບົບສາກໄຟແບບດ່ວນ, ຮັບຮອງຈໍ 5K ໄດ້ສອງຈໍ, Touchbar ມາແບບໃໝ່ໄສໄລກວ່າເກົ່າ, ຮັບຮອງການສະແກນລາຍນິ້ວມືເພື່ອປົດລອກແມັກ ແລະ ຖ່າຍເງິນຜ່ານ Apple Pay, ລວມໄປເຖິງຈໍເຣຕິນາ ແລະ ລຳໂພງແບບໃໝ່ທີ່ສົດໄສ ແລະ ຊົງພະລັງເທົ່າທີ່ເຄີຍມີມາ.

Spec – ຂໍ້ມູນເທັກນິກ

Model 13-ນິ້ວ ແບບບໍ່ມີ Touchbar 13-ນິ້ວ ແບບມີ Touchbar 15-ນິ້ວ ແບບມີ Touchbar
Touchbar ·Touch ID sensor Touch ID sensor
Color Silver

Space Gray

Silver

Space Gray

Silver

Space Gray

Display LED-backlit ມາພ້ອມ IPS 2560x1600px

ຄວາມໜາແໜ້ນ 227ppi

ຄວາມສະຫວ່າງ 500 nit

ສີແບບ Wide color(P3)

LED-backlit ມາພ້ອມ IPS 2560x1600px

ຄວາມໜາແໜ້ນ 227ppi

ຄວາມສະຫວ່າງ 500 nit

ສີແບບ Wide color(P3)

True Tone technology (ສະເພາະລຸ້ນທີ່ມີ Touchbar)

LED-backlit ມາພ້ອມ IPS 2560x1600px

ຄວາມໜາແໜ້ນ 227ppi

ຄວາມສະຫວ່າງ 500 nit

ສີແບບ Wide color(P3)

True Tone technology (ສະເພາະລຸ້ນທີ່ມີ Touchbar)

CPU Intel Core i5 2.3GHz-3.6GHz

Intel Core i7 2.5GHz – 4.0GHz

eDRAM 64MB

Intel Core i5 2.3GHz-3.8GHz

Intel Core i7 2.7GHz – 4.5GHz

eDRAM 128MB

Intel Core i7 (6-core) 2.2GHz-4.1GHz, L3 9MB

Intel Core i9 (6-core) 2.9GHz – 4.8GHz, L3 12MB

Intel Core i7 (6-core) 2.6GHz – 4.3GHz, L3 9MB

Storage 128GB – 2TB SSD 256GB – 4TB SSD
Memory 8-16GB

2133MHz LPDDR3

8-16GB

2133MHz LPDDR3

16-32GB

2400MHz DDR4

Graphic Intel Iris Plus Graphic 640 Intel Iris Plus Graphic 655 Radeon Pro 555X, 4GB GDDR5

Radeon Pro 560X, 4GB GDDR5

ເຮັດວຽກຮ່ວມກັບ Intel UHD Graphic 630

 

ສະຫຼຸບ

ຟ້າເອີ້ຍ…..ຄອມຫຍັງມາແຮງກະດັກກະດໍ້

ຈາກທີ່ເຫັນນັ້ນເປັນສະເປັກພ້ອມຖານຂອງ ແມັກບຸກໂປຣ2018 ທີ່ແອັບເປິ້ນຫາກໍປ່ອຍມາສົດໆຮ້ອນໆ. ບັນດາສະມາກຊິກ ຢາກເລົ່າ.ຄອມ ຄົງຈະຢາກຮູ້ແລ້ວວ່າລາຄາຈະຢູ່ທີ່ເທົ່າໃດກັນແດ່ສຳລັບແຕ່ລະລຸ້ນເຊິ່ງກໍຈະເລີ່ມກັນທີ່ $1.299 ໄປຈົນເຖິງ $2.799 ລາຄາເບົາໆເນາະ ກະເປົ໋າຈົນເບົາເລີຍລະ.

ສຳລັບແອັດມິນແລ້ວຄິດວ່າ ແມັກບຸກໂປຣ 2018 ລຸ້ນນີ້ ເປັນລຸ້ນທີ່ມີການປ່ຽນແປງຢ່າງຍິ່ງໃຫຍ່ ບໍ່ວ່າຈະເປັນການອອກແບບ ສະເປັກ ແລະ ລວມໄປເຖິງວິທີການໂຄສະນາຂອງແອັບເປິ້ນ ທີ່ເນັ້ນສະເພາະສາຍງານອາຊີບຢ່າງດຽວເລີຍ. ແອັດມິນຄິດວ່າຄຸ້ມເລີຍທີ່ຈະມີໄວ້ ເພາະມັນເປັນເທັກໂນໂລຢີທີ່ສຸດຍອດ ທີ່ສຸດຂອງທີ່ໃນບັນດາໂນດບຸກທີ່ມີໃນທ້ອງຕະຫຼາດເລີຍລະ. ສຳລັບໃຜທີ່ເປັນມືອາຊີບ ມີອາຊີບຢູ່ແລ້ວ ລະຕ້ອງການເຄື່ອງມືທີ່ຈະເຮັດໃຫ້ວຽກຂອງເຈົ້າແລ້ວໄວຂຶ້ນ ກໍແນະນຳເລີຍວ່າຄວນຊື້ໄວ້ເຄື່ອງໜຶ່ງ ແລ້ວເຈົ້າຈະບໍ່ເສຍໃຈ.

ຂໍ້ມູນເພີ່ມຕື່ມອ່ານໄດ້ທີ່ https://www.apple.com/macbook-pro/

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.