ຣີວິວໜັງ Fantastic Beasts: The Crimes of Grindelwald

By on
Spread the love
  • 2
    Shares

ມື້ນີ້ ຢາກເລົ່າ.ຄອມ ຈະມາຣີວິວຮູບເງົາ Fantastic Beasts: The Crimes of Grindelwald ພາກຕໍ່ໂລກເວດມົນໃນຈັກກະວານດຽວກັບແຮຣີ່ ພອທເຕີ ເຊິ່ງ timeline ຈະກ່ອນໜັງ ແຮຣີ່ ພອທເຕີ ປະມານ 70 ປີ. ແຕ່ກ່ອນຈະໄປຣີວິວຂໍຍ້ອນຮອຍພາກທໍາອິດກ່ອນວ່າເປັນຈັ່ງໃດ.

 

ພາກ 1 ຫຼື ຊື່ Fantastic Beasts: And Where to find them ເກິດຂຶ້ນໃນປີ 1926 ທີ ນິວຍອກ ເມື່ອ ນິວ ສະຄາແມນເດີ ນັກສັດວິເສດວິທະຍາ ຜູ້ທີ່ເຄຍຮຽນທີ່ ຮອກວອຕ (ໂຮງຮຽນດຽວກັນກັບ ແຮຣີ່ ພອທເຕີ) ເດິນທາງໄປທີ່ ນິວຍອກ ພ້ອມກັບກະເປົ໋າເດິນທາງທີ່ມີແຕ່ສັດວິເສດຫຼາຍຊະນິດຢູ່ທາງໃນ.

ແຕ່ຢ້ອນອຸປະຕິເຫດເຮັດໃຫ້ ນິວ ດັນເຮັດກະເປົາເຮ່ຍ ແລະ ສະຫຼັບກັບກະເປົາ ມັກເກິ້ລຜູ້ໜຶ່ງ ຊື່ ເຈຄອບ (ພໍ່ມົດ-ແມ່ມົດ ຈະເອິ້ນມະນຸດທຳມະດາວ່າ ມັກເກິ້ລ) ຈົນເຮັດໃຫ້ສັດວິເສດຫຼຸດອອກມາເຕັມເມືອງ ນິວຍອກ. ດັງນັ້ນ ນິວ ແລະ ເຈຄອບ ຕ້ອງຮ່ວມມືກັນນຳສັດວິເສດກັບກະເປົາໃຫ້ໝົດ.

ໃນເນື້ອເລື່ອງກະຍັງມີເດັກໜຸ່ມຂາດຄວາມອົບອຸ່ນຄົນໜຶ່ງທີ່ຊື່ ຄຮີເດັ້ນ ແບໂບນ ຜູ້ເກັບພະລັງເວດໄວ້ໃນຕົວ ຈົນກາຍເປັນ ອອບຄູລຽດສ໌ ພະລັງດ້ານມືດສີດຳຂະໜາດໃຫຍ່ ໄດ້ອອກອະລາວາດ ເມືອງ ນິວຍອກ.

ນິວ, ເຈຄອບ ຕ້ອງໄດ້ຮ່ວມມືກັບມືປາບມານຢ່າງ ທີນ່າ ໂກລສະທີນ (ນາງເອກຂອງເລື່ອງ) ເພື່ອພາກັນຢຸດຢັ້ງ ຄຮີເດັ້ນ. ແຕ່ສຸດທ້າຍຜູ້ຢູ່ເບື່ອງຫຼັງຂອງແຜນທັງໝົດກັບເປັນ ພໍ່ມົດດ້ານມືດຢ່າງ ແກລເລັທ ກິນເດີວັລ. ຕອນສຸດທ້າຍ ນິວ ໄດ້ຢຸດຢັ້ງ ກິນເດີວັລ ໄວ້ໄດ້ ແລະຈັບເຂົ້າຄຸກ.
ໃນພາກຕໍ່ນີ້ມີຊື່ວ່າ Fantastic Beasts: The Crimes of Grindelwald ເນື້ອເລື່ອງຈະເລົ່າເຫດການໃນຊ່ວງປີ 1927. ເມື່ອ ກິນເດີວັລ ສາມາດຫຼີກໜີການຄຸມຂັງໄດ້ ແລະ ໄດ້ອອກມາຫາພັກພວກໃນການກຳຈັດພວກທີ່ບໍ່ມີພະລັງວິເສດ. ຈົນ ອັລບັສ ດັບເບິ້ລດໍ ຕ້ອງມາຂໍຄວາມຊ່ວຍເຫຼືອຈາກອາດີດ ລູກສິດຢ່າງ ນິວ ສະຄາແມນເດີ ເພື່ອຢຸດ ກິນເດີວັລ ອີກຄັ້ງ. ຢ້ອນຫຍັງ ດັບເບິ້ລດໍ ຈັ່ງບໍ່ຢາກສູ້ກັບ ກິນເດີວັລ. ໄປຫາຄຳຕອບໄດ້ທີ່ໂຮງຮູບເງົາ.

ມະ! ເຮົາມາອ່ານຣີວິວກັນ. ໃນພາກນີ້ໃຜທີ່ເປັນແຟນ ແຮຣີ່ ພອຕເຕີ້ ບໍ່ຄວນພາດເດັດຂາດ! ທາງດ້ານນັກສະແດງ, ເຮົາຈະໄດ້ພົບນັກສະແດງໜ້າເກົ່າຈາກພາກກ່ອນ ແລະ ຕົວລະຄອນໃໝ່ອີກ 3-4 ຕົວ ທີ່ຕື່ນຕາຕື່ນໃຈສຸດກະຄືການສະແດງຂອງ ຈອນນີ່ ເດປ ຜູ້ຮັບບົດເປັນ ກິນເດີວັລ ທີ່ສະແດງໄດ້ສົມບົດບາດຫຼາຍ ແຖມຍັງເທ່ອີກ ເພາະພາກ 1 ເຫັນລາວແຄ່ສາກດຽວຕອນທ້າຍເລື່ອງ ມາພາກນີ້ ລາວເລີຍຢາກໂຊ step.

ອີກຄົນໜຶ່ງທີ່ບໍ່ນ້ອຍໜ້າກະຄື ຈູດ ລໍວ໌ ຜູ້ຮັບບົດເປັນ ສາດສະດາຈານ ອັລບັສ ດັບເບິ້ລດໍ ທີ່ແຟນໆ ແຮຣີ່ ພອຕເຕີ້ ນ່າຈະຮູ້ດີ. ສ່ວນທາງດ້ານສາກແອັກຊັ່ນລ່າຍເວດມົນໃສ່ກັນກະດີຢູ່ ແຕ່ມີບໍ່ຫຼາຍ ຄື ແຮຣີ່ ພອຕເຕີ້ ປານໃດ. ຄ້າຍໆ ວ່າຜູ້ກຳກັບຢາກກັກໄວ້ໃນພາກຕໍ່ໄປ ແຕ່ໃນຕອນທ້າຍເລື່ອງນິ ຕື່ນຕາຕື່ນໃຈແນ່ນອນ.

ສຳຫຼັບໃຜທີ່ເປັນແຟນ ແຮຣີ່ ພອຕເຕີ້ ກຽມຂົນລຸກໄວ້ເລີຍ ກັບສາກໃນ ໂຮງຮຽນ ຮອກວອທ ທີ່ຈະເຮັດໃຫ້ຫວນຄືນເຖິງໜັງ ແຮຣີ່ ພອຕເຕີ້.
ສະຫຼຸບ ໜັງ ເຮັດໄວ້ໄດ້ດີຢູ່ ອາດຈະດຳເນິນເລື່ອງຊ້າ ແລະ ກັກສາກແອັກຊັ່ນ ແດ່. ແຕ່ສິ່ງທີ່ປະທັບໃຈກະຄືໄດ້ເຫັນໂຮງຮຽນ ຮອກວອທ ອີກຄັ້ງ ແລະ ກະຍັງໄດ້ເຫັນສັດວິເສດຊະນິດໃໝ່ໆອີກ.

ສິ່ງສຸດທ້າຍທີ່ຢາກບອກກະຄື ໜັງມີທັງໝົດ 5 ພາກເດີ້ ເບິ່ງກັນຍາວໆ ເລີຍພີ່ນ້ອງ

ຄະແນນລວມ 8/10


Spread the love
  • 2
    Shares

Leave a Reply

This site uses Akismet to reduce spam. Learn how your comment data is processed.