Category: Food-Drink

ຮ້ານກຸ້ງຄາເຟ້ – ບັນຍາກາດແຫ່ງລາວລ້ານຊ້າງ

  |   By  |  No comments

ຮ້ານກຸ້ງກາເຟ

ຮ້ານກຸ້ງຄາເຟ້ ເປັນຮ້ານກາເຟລຶກລັບໃນຕຳນານທີ່ຫຼາຍໆຄົນຕາມຫາ ແຕ່ກໍບໍ່ສາມາດໄປຮອດໄດ້

ຮ້ານກຸ້ງຄາເຟ້ ນີ້ເປັນຮ້ານແນວໃດ ມື້ນີ້ yaklao.com ຂໍອານຸຍາດຢິບເອົາກະທູ້ຈາກ laox.la ຂອງທ່ານ Defago ມາເລົ່າສູ່ທານຟັງໃຫ້ໄດ້ຮູ້ທົ່ວເຖິງກັນ

ຮ້ານກຸ້ງຄາເຟ

ເຫັນຮ້ານນີ້ແລ້ວອົດຄຶດບໍ່ໄດ້ ຫາກເຮົາຍັງຮັກສາຕຶກ, ທຳນຽມ ແລະ ຄວາມເກົ່າແກ່ຂອງເຮົາໄວ້ບາງຈຸດ ນະຄອນຫຼວງເຮົາຈະມີເອກະລັກຫຼາຍປານໃດ?

ຮ້ານກຸ້ງຄາເຟ

ເຖິງວ່າຮ້ານຈະມີເອກະລັກຄວາມເປັນລາວສູງ ແຕ່ລາຄານັ້ນຖືກຫຼາຍ! ຍັງມີເມນູທີ່ຫາກິນໄດ້ຍາກໆນຳ ເຊັ່ນ: ລາກູ່, ຊີ້ນມ່າຍໃສ່ໄຂ່, ກາເຟລາວ ຯລຯ
ເໝາະສຳລັບໄປເປັນກຸ່ມ 4-6 ຄົນ ຫາກຫຼາຍກວ່ານັ້ນແມ່ນຕ້ອງແຍກໂຕະກັນເອົາ.
ຮ້ານນີ້ມີແຕ່ພັດລົມເທົ່ານັ້ນ ສະນັ້ນອາດຈະບໍ່ເໝາະສຳລັບມື້ທີ່ອາກາດຮ້ອນ

ຮ້ານກຸ້ງຄາເຟ

ທາງເຂົ້າຮ້ານ
ຮ້ານກຸ້ງຄາເຟ

ຮ້ານກຸ້ງຄາເຟ

ຮ້ານກຸ້ງຄາເຟ

ຮ້ານກຸ້ງຄາເຟ

ຮ້ານກຸ້ງຄາເຟ

ໂຢເກິດໃສ່ໝາກໄມ້ລວມມິດ ແຊບສຸດດດດດດດ

ຮ້ານກຸ້ງຄາເຟ

 

ແຜນທີ່ຕາມນີ້ເລີຍ:

Facebook: Kung’s Cafe Lao

ບ້ານເພຍວັດ, ເມືອງສີສັດຕະນາກ, ນະຄອນຫຼວງວຽງຈັນ

ໄປບໍ່ຮອດ ຈອດບໍ່ເຖິງກໍໂທ: 021 219 101

ຂໍຂອບໃຈຂໍ້ມູນຈາກ: https://laox.la/d/208

ໂດຍສະເພາະເຈົ້າຂອງກະທູ້ສຸດຫຼໍ່: Defago

ແຈກສູດ Banana Yogurt Smoothie

   |   By  |  No comments

ມື້ນີ້ ຢາກເລົ່າ.ຄອມ ຈະມາ ແຈກສູດ ປັ່ນກ້ວຍໃສ່ໂຢເກີດ ຫວານໆ ເຢັນໆ
ໃຫ້ລູກເພຈໄດ້ລອງເອົາໄປປັ່ນກິນນຳກັນ

ສ່ວນປະສົມ

  1. ກ້ວຍແຊ່ແຂງ
  2. ນົມຂຸ້ນຫວານ (ຖ້າຫຼຸດຫຸ່ນກໍປ່ຽນເປັນນໍ້າເຜິ້ງແທນ)
  3. ໂຢເກິດລົດ Original
  4. ນົມສົດ (ໃຊ້ສູດຜ່ອງມັນເນີຍກໍໄດ້)

ຂັ້ນຕອນ:

  1. ປອກກ້ວຍແຊແຂງໄວ້ຂ້າມຄືນ
  2. ນໍາກ້ວຍໃສ່ໂຖປັ່ນ
  3. ຕາມດ້ວຍນົມຂຸ້ນຫວານ
  4. ຕາມດ້ວຍໂຢເກີດ
  5. ແລ້ວອັດທ້າຍດ້ວຍນົມສົດ
  6. ຈາກນັ້ນກໍປັ່ນໆໆໆໆໃຫ້ລະອຽດ

ເບິ່ງຂັ້ນຕອນໄດ້ດັ່ງນີ້

ເບິ່ງຈົບແລ້ວກໍຊ່ວຍກັນ Like ແລະ Share ໃຫ້ແດ່ເດີ້….

ຣີວິວຮ້ານ ບຸບເຟ້ ຊີ້ນດາດຄອບຄົວ

   |   By  |  No comments

ຮ້ານຊີ້ນດາດຄອບຄົວ
ຊີ້ນດາດຄອບຄົວ

ໜ້າຮ້ານ

ມື້ນີ້ ຢາກເລົ່າ ມີຮ້ານອາຫານບຸບເຟ້ທີ່ແອັດມິນ ມັກໄປກິນຕະຫຼອດ ນັ້ນກໍຄືຮ້ານ ຊີ້ນດາດຄອບຄົວ
ຕັ້ງທີ່ສູນການຄ້າລາວໄອເຕັກ ຕຶກໃໝ່ ລະບຽງ ຊັ້ນ 2.

ບັນຍາກາດໃຊ້ໄດ້ ສົມກັບຊື່ຮ້ານ ຊີ້ນດາດຄອບຄົວ ມີໂຕຕັ່ງຫຼາຍ ສຳລັບຄອບຄົວໄປສັງສັນກັນໄດ້ຢ່າງສະບາຍເລີຍ
ບັນຍາກາດຕາມຮູບເລີຍ ແຕ່ເສຍດາຍທີ່ໄປຊ້າແດ່ ເລີຍຖ່າຍເອົາຮູບອາຫານມາໄດ້ບໍ່ຫຼາຍ ເພາະເຂົາຍັງບໍ່ທັນມາເຕີມ ອີກຢ່າງຄາແຕ່ກິນເລີຍບໍ່ໄດ້ຖ່າຍຮູບ ຫະຫະ

ຊີ້ນດາດຄອບຄົວ

ດ້ານໃນຮ້ານ

 

ຊີ້ນດາດຄອບຄົວ

ມູມໃນຮ້ານຫຼຽວອອກໄປ ບໍ່ຄ່ອຍງາມປານໃດກະຢ່າມັນຊະ

 

ຊີ້ນດາດຄອບຄົວ

ຍ່າງຂຶ້ນມາກໍເຈິແບບນີ້

 

ຊີ້ນດາດຄອບຄົວ

ທາງເຂົ້າຮ້ານ ມີຊຸ້ມດອກໄມ້ໄວ້ຖ່າຍຮູບ

 

ຊີ້ນດາດຄອບຄົວ

ລົງຊີ້ນແລ້ວ ຫິວແລ້ວ

ໜໍ້ນີ້ເປັນໜໍ່ແບບທີ່ແອັດມິນມັກຫຼາຍ ເພາະວ່າມັນແຍກເລີຍວ່າຈະດາດຫຼືຈະຈຸ່ມ ແລ້ວນໍ້າມັນຈາກຊີ້ນກໍຈະບໍ່ຍ້ອຍລົງໝໍ້ຈຸ່ມ ແບບໜໍ້ດາດທົ່ວໄປ. ບໍ່ຮູ້ຈະຫາຊື້ໄດ້ຢູ່ໃສ ໃຜຮູ້ກໍບອກແດ່ເດີ້

ຊີ້ນດາດຄອບຄົວ

ມູມຈາກບ່ອນທີ່ແອັດມິນນັ່ງ

 

ຊີ້ນດາດຄອບຄົວ

ເຕົາປີ້ງກໍມີ ເສຍດາຍແຕ່ແອັດມິນກິນກຸ້ງບໍ່ໄດ້ ກຸ້ງນີ້ຢາກໄໝ້ໆແດ່ເດີ ຫະຫະ

 

ຊີ້ນດາດຄອບຄົວ

ມີອາຫານທະເລໃຫ້ເລືອກຫຼາກຫຼາຍຕາມສະບາຍ

 

ຊີ້ນດາດຄອບຄົວ

ຮູບມົວໆແດ່ເພາະຫິວ

 

ຊີ້ນດາດຄອບຄົວ

ມີຍຳສະລັດ ຢໍ່ຈືນ ປາດອນລີຈືນ ກຸ້ງແຊ່ນໍ້າປາ(ໝົດແລ້ວ)

 

ຍັງມີອາຫານໃຫ້ເລືອກອີກປະມານ 6-7 ຢ່າງ, ນໍ້າຫວານ ແລະ ໝາກໄມ້ ລວມໄປເຖິງຂອງຫວານພວກກະແລ້ມ ຫຼື ນໍ້າແຂງໄສ ຕາມໃຈປາກໂຕເອງເລີຍ

ສາຍກິນຫ້າມພາດ

ສ່ວນເລື່ອງລາຄານີ້ກະຂ້ອນຂ້າງຢາກວ່າໜັກໜ່ວງແດ່ ເມື່ອທຽບກັບຮ້ານອື່ນໆ ລາຄາ 89.000ກີບຕໍ່ຄົນ

ສິ່ງທີ່ມັກ

  • ອາກາດບໍ່ຮ້ອນເພາະເປັນຮ້ານເປີດກາງແຈ້ງ
  • ອາຫານຫຼາຍໆ ແລະ ແຊບ
  • ອາຫານທະເລບໍ່ອັ້ນ (ເສຍດາຍທີ່ແພ້ອາຫານທະເລ)
  • ມີເຕົາໃຫ້ເລືອກ 2 ແບບ ດາດ ແລະ ປີ້ງ ຫຼື ຈະຂໍທັງສອງກໍໄດ້
  • ມີບ່ອນໃຫ້ເດັກນ້ອຍຫຼິ້ນ (ແຕ່ເປື້ອນຫຼາຍ ແລະ ຂອງຫຼິ້ນບໍ່ຫຼາຍ)
  • ຕັ້ງຢູ່ໄອເຕັກ ເລາະເມື່ອຍໆແລ້ວມາກິນ ຫຼື ກິນອີ່ມແລ້ວໄປຍ່າງເລາະ
  • ບໍລິການດີ (ບໍ່ເຖິງຂັ້ນດີຫຼາຍແຕ່ໃຊ້ໄດ້)

ສຳລັບແອັດມິນໃຫ້ຄະແນນ 8/10

ຍັງອີກ 2 ຄະແນນກໍຈະເປັນເລື່ອງບໍລິການ ແລະ ເລື່ອງລາຄາທີ່ຂ້ອນຂ້າງໜັກໄປແດ່ ສ່ວນເລື່ອງອື່ນຖືວ່າຜ່ານເລີຍລະ.

ສະມາຊິກ ຢາກເລົ່າ.ຄອມ ຫາໂອກາດໄປລອງກັນເດີ້.

ຊີ້ນດາດຄອບຄົວ

ອັນນີ້ບໍ່ແມ່ນອາຫານເດີ້ ພໍດີເຂົາມີກະຕ່າຍໜ້າຮັກ 2 ໂຕ

ຣີວິວຮ້ານກາເຟ : Bee Coffee Honey

   |   By  |  No comments

ຫຼາຍໆຄົນອາດຈະເຄີຍນັ່ງຈິບກາເຟຢູ່ໃນຮ້ານຫຼູ ຮ້ານໃຫຍ່ ໃຈກາງເມືອງ ມີທັງຫ້ອງແອ ແລະ WIFI ໃຫ້ໄດ້ໃຊ້ ລວມທັງສາລະພັດເມນູ Bakery ແຕ່ມື້ນີ້ ຢາກເລົ່າ.ຄອມ ຈະພາທ່ານມາຮູ້ຈັກກັບ ບູທກາເຟ ນ້ອຍໆໜ້າຮັກ ໃຈກາງເມືອງໃຫຍ່ທີ່ຫຼາຍຄົນອາດມອງຂ້າມ ແຕ່ລົດຊາດກາເຟບໍ່ນ້ອຍໜ້າຮ້ານໃຫຍ່ເລີຍ.

Bee Coffee Honey ຫຼື Bee Coffee ບໍ່ໄດ້ແມ່ນຮ້ານກາເຟຫຼູຫຼາ ແຕ່ເປັນບູທກາເຟນ້ອຍໆໃຈກາງເມືອງ ມີຊື່ສຽງເລື່ອງລົດຊາດ ເພາະວ່າເຈົ້າຂອງຮ້ານເປັນເຖິງ Barista ມືເອກຈາກຮ້ານ Once Upon A Time.

ເລື່ອງລົດຊາດກາເຟບອກເລີຍວ່າບໍ່ນ້ອຍໜ້າຮ້ານໃຫຍ່ ດີບໍ່ດີ ອາດຈະແຊບກວ່າຮ້ານໃຫຍ່ດ້ວຍຊໍ້າໄປ ອັນນີ້ຕ້ອງແນະນຳໃຫ້ໄປລອງເອງ ສຳລັບຜູ້ຂຽນແມ່ນຖືຮ້ານ Bee Coffee ເປັນຮ້ານປະຈຳໄປເລີຍ.

ມີເມນູຫຼາກຫຼາຍໃຫ້ທ່ານໄດ້ເລືອກ
– Americano
– Cappucino
– Mocha
– Latte
– Strawberry Soda
– Raspberry Soda

ເມນູພິເສດຂອງເພົ່ນແມ່ນ Bee Coffee ກາເຟນໍ້າເຜິ້ງປ່າແທ້ ຫອມຫວານແນ່ນອນ ແລະ ອີຫຼາກຫຼາຍເມນູທີ່ລໍຄອຍໃຫ້ທ່ານໄດ້ໄປລິ້ມໄປລອງເບິ່ງ.

 

 

 

ຮ້ານກໍຕັ້ງຢູ່ທີ່ຖະໜົນ ສັກກະລິນ ຮ່ອມຕໍ່ໜ້າ ວຽງຈັນເຊັນເຕີ ທີ່ຊອດອອກໂຮງຮຽມ ມ.ສ ເພຍວັດ.

ໄປບໍ່ຮອດ ຈອດບໍ່ເຖິງກໍຕາມແຜນທີ່ນີ້ໄປເລີຍ https://goo.gl/maps/MxMcZtfHGgq