fbpx
26/02/2019 7 ເທັກນິກ ສ້າງ PowerPoint ໃຫ້ໂດນໃຈ

7 ເທັກນິກ ສ້າງ PowerPoint ໃຫ້ໂດນໃຈ


7 ເທັກນິກທີ່ຈະເຮັດໃຫ້ PowerPoint ໜ້າສົນໃຈຍິ່ງຂຶ້ນ. ມື້ນີ້ຢາກເລົ່າຈະມາແນະນຳເທັກນິກດີໆກັບການສ້າງ PowerPoint ໃຫ້ກັບນັກສຶກສາ ຫຼື ຜູ້ທີ່ກຳລັງຕົກໃນບັນຫາການ Present ງານ ເຊິ່ງບໍ່ຮູ້ວ່າຈະເຮັດແນວໃດດີກັບການ ອອກແບບ PowerPoint ໃຫ້ສວຍງານໂດຍໃຈຜູ້ຊົມ. ເຮົາມາເບິ່ງກັນເລີຍ.

1. ໜ້ອຍເທົ່າທີ່ຈະໜ້ອຍໄດ້ Textless

ບົດນຳສະເໜີຂອງທ່າຕ້ອງມີຂໍ້ຄວາມໜ້ອຍເທົ່າທີ່ຈະໜ້ອຍໄດ້ ຢ່າໃສ່ຂໍ້ຄວາມຈົນເຕັມໜ້າສະເໜີ ມັນຈະເຮັດໃຫ້ຜູ້ອ່ານສູນເສຍສະມາທິຈາກການຟັງຜູ້ບັນຍາຍ ແລ້ວຍັງເຮັດໃຫ້ຜູ້ຊົມເຈັບຕາອີກ.

7 ເທັກນິກສ້າງ PowerPoint
ເຮັດແບບນີ້ຖືກວ່າຜິດ

2. Bullet ຢ່າຫຼາຍ

Bullet ຫຼື ຫົວແຖວທີ່ເປັນຈໍ້ເມັດມົນໆ ເຮົາມັກເຫັນເວລາໃຊ້ງານ PowerPoint. ການໃຊ້ Bullet ຖືວ່າເປັນການເໝາະສົມກວ່າທີ່ຈະໃຊ້ຂໍ້ຄວາມເປັນປະໂຫຍກຍາວໆ ຫຼື ເປັນວັກຍາວໆ. ແຕ່ການໃຊ້ Bullet ກໍຄວນໃຊ້ໃຫ້ເໝາະສົມ ບໍ່ຫຼາຍຈົນກີນໄປ ບໍ່ດັ່ງນັ້ນແລ້ວມັນຈະເບິ່ງບໍ່ຮູ້ເລື່ອງ

7 ເທັກນິກ PowerPoint
ແບບນີ້ພໍຮັບໄດ້
7 ເທັກນິກ PowerPoint
ແບບນີ້ຈະດີກວ່າ

3. Transition ແລະ Animation ລຽບໆກໍດີໄດ໋

Transition ຄືເອັຟເຟັກເວລາປ່ຽນສະໄລ້ ສ່ວນ Animation ແມ່ນການເຄື່ອນໄຫວຂອງຂໍ້ຄວາມ ຫຼື ຮູບພາບໃນສະໄລ້. ຖ້າໃສ່ຫຼາຍຈົນເກີນໄປມັນກໍເບິ່ງລາຍຕາ ເນັ້ນລ້ຽບໆງ່າຍໆຈະດີກວ່າ ແຕ່ຖ້າບົດນຳສະເໜີນັ້ນຕ້ອງການຄວາມຕື່ນເຕັ້ນ ກໍໃສ່ແບບວູບວາບເລີຍໂລດ ບໍ່ເປັນຫຍັງ.

7 ເທັກນິກ PowerPoint

4. ຢ່າໃສ່ສີຈົນ Over

ສີທີ່ໃສ່ນີ້ກໍສຳຄັນ ຢ່າຫຼາຍສີຈົນເກີນໄປ ສູງສຸດບໍ່ໃຫ້ເກີນ 3 ສີ ໂດຍໃຫ້ຢຶດໂທນສີໃດໜຶ່ງເປັນຫຼັກ ແລ້ວສີຕ່າງໆກໍຄວນເປັນສີອ່ອນ ຢ່າໄປໃຊ້ສີແກ່ຄືພວກທີ່ມັນ Over Sturate ສີທີ່ມັນແຈດໆກໍຢ່າໄປໃຊ້ເລີຍ ແຕ່ທັງນີ້ທັງນັ້ນກໍຕ້ອງເບິ່ງຕາມບົດນຳສະເໜີຂອງເຮົາ ແລະ ສະຖານທີ່ທີ່ຈະນຳສະເໜີດ້ວຍ ໃຫ້ມັນເໝາະສົມກັນ.

7 ເທັກນິກ PowerPoint
ແສບຕາເຕີ້ແບບນີ້ນະ

5. ເລືອກ Font ໃຫ້ດີ

ຟ້ອນນີ້ເປັນສິ່ງສຳຄັນ ສາມາດກຳນົດອາລົມຂອງບົດນຳສະເໜີໄດ້ເລີຍ ເລືອກໃຊ້ຟ້ອນທີ່ມັນອ່ານງ່າຍ ບໍ່ລາຍຕາ ລຽບໆຈະເປັນການດີ. ຟ້ອນທີ່ເປັນລວດລາຍນັ້ນບອກເລີຍວ່າຢ່າໃຊ້ ແຕ່ສາມາດໃຊ້ໄດ້ໃນບາງກໍລະນີເທົ່ານັ້ນ.

7 ເທັກນິກ PowerPoint
ແບບນີ້ກະບໍ່ໄຫວໄດ໋

6. ສ້າງຄວາມໜ້າສົນໃຈດ້ວຍ Graph

ລືມການໃສ່ຕາຕະລາງໂຕເລກໄປເລີຍ ຫັນມາໃຊ້ Graph ຈະເປັນການດີກວ່າ ເພາະວ່າການໃຊ້ Graph ນີ້ມັນຈະຊ່ວຍໃຫ້ຜູ້ຊົມເຂົ້າໃຈ ແລະ ຈື່ໄດ້ງ່າຍກວ່າການໃຊ້ຕາຕະລາງທີ່ເບິ່ງແລ້ວສັບສົນວິນວຽນສີສະ.

7 ເທັກນິກ PowerPoint
ແບບນີ້ເດີ້ຈຶ່ງງາມ

7. ໃຊ້ຮູບທີ່ແຈ້ງ

ຖ້າສະໄລ້ຂອງເຮົາຕ້ອງປີຮູບປະກອບນຳ ກໍຄວນຊອກຮູບທີ່ມັນແຈ້ງ ມີຄຸນະພາບສູງ ບໍ່ແມ່ນໄປຊອກຮູບທີ່ Resolution ຕໍ່າໆມາ ມັນຊິແຕກເປັນຕາກະໂລ້ເລີຍເວລາສາຍຂຶ້ນຈໍໃຫຍ່.

7 ເທັກນິກ PowerPoint
ນຳໃຊ້ຮູບຈາກ https://www.pexels.com/

ເປັນແນວໃດແດ່? ຫວັງວ່າບົດຄວາມນີ້ຈະເປັນປະໂຫຍດແກ່ຫຼາຍຄົນ

ຖ້າຄິດວ່າເປັນປະໂຫຍດກໍກົດ Share ເພື່ອເປັນກຳລັງໃຈໃຫ້ແກ່ຜູ້ທີມງານ yaklao.com


ປະກອບຄຳເຫັນ

This site uses Akismet to reduce spam. Learn how your comment data is processed.