fbpx
18/06/2019 5 ວິທີ ຊ່ວຍຫຼຸດຄວາມກັງວົນ ກ່ອນການຂຶ້ນເວທີ

5 ວິທີ ຊ່ວຍຫຼຸດຄວາມກັງວົນ ກ່ອນການຂຶ້ນເວທີ


ທ່ານເຄີຍມີຄວາມກັງວົນກ່ອນການຂຶ້ນເວທີບໍ່? YakLao.com ຈະຂໍສະເໜີ 5 ວິທີ ຊ່ວຍຫຼຸດຄວາມກັງວົນ
ກ່ອນການຂຶ້ນເວທີ

ແນ່ນອນວ່າທຸກຄົນຕ້ອງມີອາການເຫຼົ່ານີ້ ແຕ່ວ່າຈະໜ້ອຍ ຫຼື ຫຼາຍ ມັນກໍຂຶ້ນກັບປະສົບການຂອງແຕ່ລະຄົນບໍ່ຄືກັນ.
ຄວາມກັງວົນເປັນສິ່ງປົກກະຕິເວລາທີ່ເຮົາຈະພົບປະສັບສະຖານະການທີ່ແປກອອກໄປຈາກປົກກະຕິທີ່ເຮົາເຄີຍພົບ
ມັນເປັນກົນໄກການປ້ອງກັນໂຕຂອງມະນຸດທີ່ຈະເຮັດວຽກເພື່ອໃຫ້ເຮົາພ້ອມທີ່ຈະໜີຈາກສິ່ງທີ່ບໍ່ປອດໄພ.

ແຕ່ການຂຶ້ນເວທີ ມັນບໍ່ແມ່ນເລື່ອງອັນຕະລາຍເລີຍ ໃນທາງກັບກັນ ມັນຊໍ້າພັດເປັນວິທີດຽວທີ່ຈະເສີມສ້າງຄວາມໝັ້ນໃຈ
ໃຫ້ກັບເຮົາ.

ມາຮູ້ຈັກກັບຄຳວ່າ Anxiety

Anxiety /aNGˈzī-itē/ (ແອງຊາຍຕີ້) ຫຼື ຄວາມກັງວົນ ຄວາມວິຕົກ ເປັນອາການທີ່ສະແດງອອກມາໄດ້ຫຼາກຫຼາຍອະລິຍາບົດ ເຊັ່ນ ມືສັ່ນ, ເຫື່ອອອກ, ຫາຍໃຈບໍ່ທັນ, ລືມ ແລະ ອື່ນໆ. ສິ່ງເລົ່ານີ້ແມ່ນອາການຂອງ Anxiety.

ສາເຫດທີ່ມີອາການ Anxiety ກ່ອນການຂຶ້ນເວທີ

ສາເຫດຫຼັກໆກໍມາຈາກ Panic Attack ຫຼື ການທີ່ຈະຕ້ອງປ່ຽນສະຖານະການແບບກະທັນຫັນ ເຮັດໃຫ້ເຮົາກຽມໂຕ ກຽມໃຈບໍ່ທັນ. ເຊິ່ງອາການເຫຼົ່ານີ້ມັກຈະເກີດຂຶ້ນເວລາທີ່ເຮົາຕ້ອງຂຶ້ນເວທີ ຫຼື ຕ້ອງໄປພົບປະກັບສິ່ງທີ່ເຮົາບໍ່ເຄີຍເຫັນມາກ່ອນ ຈະເຮັດໃຫ້ນອນບໍ່ຫຼັບ, ກິນເຂົ້າບໍ່ແຊບ, ເຈັບກະເພາະ, ແລະ ອາການອື່ນໆທີ່ໄດ້ກ່າວໄວ້ກ່ອນໜ້ານີ້.

5 ວິທີຮັບມືກັບອາການ Anxiety ກ່ອນການຂຶ້ນເວທີ

1. ຫາຍໃຈເລິກໆ

ໃຫ້ຄ່ອຍໆຫາຍໃຈເຂົ້າ ແລະ ອອກຊ້າໆ ເລິກໆ. ເທັກນິກຄືໃຫ້ນັບ 4 ວິນາທີເວລາຫາຍໃຈ
ເຊັ່ນ ເຂົ້າ 4 ວິ, ອອກ 4 ວິ ເຮັດແບບນີ້ 4 ຄັ້ງ.

2. ຫຼັບຕາ ຕັດສິ່ງລົບກວນອອກໃຫ້ໝົດ

ໃຫ້ຫຼັບຕາ ອາດຈະຊຸບຫູຟັງໃສ່ຫູພ້ອມເພື່ອຕັດສິ່ງລົບກວນ ໃຫ້ເຮົາໄດ້ມີສະມາທິແກ່ຕົນເອງ

3. ຈິນຕະນາການຫາສິ່ງທີ່ດີໆ

ໃຫ້ເຮົາຫຼັບຕາແລ້ວຈິນຕະນາການເຖິງສິ່ງດີໆທີ່ມັນກຳລັງຈະເກີດຂຶ້ນ ເພື່ອໃຫ້ເຮົາຮູ້ສຶກຜ່ອນຄາຍ ຢ່າວິຕົກກັງວົນວ່າຈະອອກມາບໍ່ດີ

4. ເຝິກຊ້ອມໃຫ້ດີ

ກ່ອນການຂຶ້ນເວທີ ບໍ່ວ່າຈະເປັນງານໃດກໍຕາມແຕ່ ເຮົາຕ້ອງເຝິກຊ້ອມໃຫ້ດີໃຫ້ແໜັ້ນ ເພາະການກຽມໂຕທີ່ດີ
ຈະເຮັດໃຫ້ເຮົາມີໄຊໄປກວ່າເຄິ່ງ ແຖມມັນຍັງຊ່ວຍຫຼຸດຄວາມຕື່ນເຕັ້ນລົງຫຼາຍເລີຍລະ.

5. ຍອມຮັບວ່າເຮົາຢ້ານ

ຈົ່ງເຮັດທັງໆທີ່ຢ້ານນັ້ນລະດີທີ່ສຸດ ເຮົາຮູ້ວ່າເຮົາກັງວົນ ເຮົາຕື່ນເຕັ້ນ ແລະ ຢ້ານເວທີ ແຕ່ກໍຈົ່ງເຮັດທັງທີ່ຍັງຢ້ານ
ຍອມຮັບຄວາມຈິງວ່າເຮົາຢ້ານມັນ ແລ້ວເຮົາຈະຮູ້ສຶກດີຂຶ້ນ ແລະ ເປັນກັງວົນໜ້ອຍລົງ.

ເປັນແນວໃດແດ່ກັບ 5 ວິທີ ຊ່ວຍຫຼຸດຄວາມກັງວົນກ່ອນການຂຶ້ນເວທີ ເຮັດໃຫ້ທ່ານສາມາດຂຶ້ນເວທີໄດ້ຢ່າງໝັ້ນໃຈ
ທ່ານມີເທັກນິອື່ນແນະນຳອີກບໍ່? ສາມາດຄອມເມັ້ນມາແນະນຳກັນໄດ້ເລີຍ.

source
https://www.inc.com/larry-kim/15-power-up-tips-to-make-you-a-better-presenter.html
https://www.inc.com/ilan-mochari/3-tips-presentation-anxiety.html
https://www.genardmethod.com/blog/bid/74495/5-minute-technique-to-calm-your-fear-of-public-speaking
https://kidshealth.org/en/teens/anxiety-tips.html
https://healthblog.uofmhealth.org/health-management/whats-difference-between-nerves-and-anxiety

Photo by Nathan Cowley from Pexels

 


ປະກອບຄຳເຫັນ

This site uses Akismet to reduce spam. Learn how your comment data is processed.