24/02/2019 Samasung Galaxy S10 Yaklao

Samsung Galaxy S10 ກັບ 5 ສິ່ງປະທັບໃຈ

ຜ່ານການເປີດໂຕຢ່າງຍິ່ງໃຫຍ່ອາລັງການໃນງານ Galaxy Unpacked 2019 ແລ້ວຍັງມີໂທລະສັບພັບໄດ້ Galaxy Fold ທີ່ຖືໄດ້ວ່າສ້າງປາກົດການໃໝ່ພໍສົມຄວນ ເຊິ່ງມື້ນີ້ yaklao.com ໄດ້ມີໂອກາດໄປສຳພັດກັບ Galaxy S10 ແລະ S10 Plus ເລີຍຢາກເລົ່າຄວາມປະທັບໃຈໃຫ້ແຕ່ລະຄົນໄດ້ຮູ້ນຳກັນ.

1. ຮູບຊົງພາຍນອກ

ບອກເລີຍວ່າແອັດມິນເອງໃຊ້ Samsung Note 8 ທີ່ທັງໃຫຍ່ ແລະ ໜາ ແຕ່ພໍມາໄດ້ສຳພັດກັບ Galaxy S10 ແລ້ວບອກເລີຍວ່າມັນເບົາບາງຮ່າງນ້ອຍ ເໝາະແກ່ການຖະນຸຖະໜອມເປັນເຈົ້າຂອງແທ້ ສ່ວນ Galaxy S10 Plus ເອງກໍມີນໍ້າໜັກເບົາກວ່າທີ່ S9 Plus ດ້ວຍຊໍ້າໄປ ແລະ ດ້ວຍສີສັນທີ່ສົດໃສ ມີທັງຂຽວສະທ້ອນ, ດຳ ແລະ ເງິນ ບອກເລີຍວ່າແຕ່ລະສີນັ້ນມັນສຸດຍອດແທ້ໆ.

ສຳພັດທຳອິດແມ່ນຮູ້ເລີຍວ່າເໝາະມື ໂດຍສະເພາະແມ່ນ S10 Plus ທີ່ເໝາະກັບມືຂອງຜູ້ຊາຍເລີຍລະ. ທັງສອງລຸ້ນມີໜ້າຈໍໂຄ້ງມົນໃຫຍ່ ເຮັດໃຫ້ເບິ່ງຄືຂໍກວ້າງແບບບໍ່ສິ້ນສຸດ. ສ່ວນ Punch hole ບ່ອນວາງກ້ອງກໍວາງໄດ້ຕໍາແໜ່ງທີ່ດີ ບໍ່ຂັດຂວາງສາຍຕາເວລາໃຊ້ງານ.

Samsung Galaxy S10 S10 Plus Yaklao ຢາກເລົ່າ Samsung Galaxy S10 S10 Plus Yaklao ຢາກເລົ່າ Samsung Galaxy S10 S10 Plus Yaklao ຢາກເລົ່າ

2. ລະບົບພາຍໃນ

ມາຊຸດນີ້ Samsung ຍົກເຄື່ອງໃນໃໝ່ໝົດເລີຍ ເພາະນຳໃຊ້ UI ທີ່ຊື່ວ່າ One UI ມາຄອບລະບົບປະຕິບັດການ Android 9 Pie ທີ່ລຽບງ່າຍອອກແບບສີສັດສົດໃສ່ທັນສະໄໝ ເໝາະສົມກັບຮູບລັກພາຍນອກ. ການໃຊ້ງານກໍໄຫຼລື່ນມື່ນດີກວ່າໂຕເກົ່າ ເພາະວ່າບໍ່ຕ້ອງມີແອັບ ຫຼື ວິດເກັດມາກວນໃຈຄືລຸ້ນເກົ່າ. ຖືວ່າອ້າຍໃຫຍ່ຈາກເກົາຫຼີນີ້ມາຖືກທາງເລີຍ.

Samsung Galaxy S10 S10 Plus Yaklao ຢາກເລົ່າ Samsung Galaxy S10 S10 Plus Yaklao ຢາກເລົ່າ Samsung Galaxy S10 S10 Plus Yaklao ຢາກເລົ່າ

3. ກ້ອງ

ສາລະພາບວ່າແອັດມິນບໍ່ຄ່ອຍປະທັບໃຈກັບກ້ອງຂອງ Samsung ພໍປານໃດ ແຕ່ມາລຸ້ນນີ້ບອກໄດ້ວ່າຄົມເຫຼືອຮ້າຍ ຈາກທີ່ໄດ້ລອງຖ່າຍແລ້ວ ເຮັດໃຫ້ຮູ້ວ່າ Samsung ກໍມີດີໃນເລື່ອງກ້ອງຄືກັນ. ມີທັງມູມກວ້າງພິເສດ, ກວ້າງ, ແລະ ຊູມ ສ່ວນກ້ອງໜ້ານີ້ກໍບອກເລີຍວ່າສາຍ selfie ມັກແນ່ນອນ ເພາະສາມາດປັບໜ້າໄສໄຮ້ສິວ 14 ອີກຄັ້ງໄດ້ສະບາຍ. ສ່ວນຟັງຊັ້ນຕ່າງໆກໍບໍ່ຄ່ອຍແຕກຕ່າງຫຍັງຈາກລຸ້ນກ່ອນໜ້ານັ້ນ ໂດຍລວມຖືວ່າໂຕເຊັນເຊີ ແລະ ລະບົບ Sence Optimize ເຮັດໄດ້ດີຫຼາຍ. ແຖມຍັງມີໂໝດໃໝ່ຊື່ວ່າ Bright mode ທີ່ຖ່າຍກາງຄືນໄດ້ສະຫວ່າງສະໄຫວ. ສາມາດຖ່າຍ HDR10+ ໝົດບັນຫາເລື່ອງຖ່າຍຍ້ອນແສງ.

Samsung Galaxy S10 S10 Plus Yaklao ຢາກເລົ່າ Samsung Galaxy S10 S10 Plus Yaklao ຢາກເລົ່າ Samsung Galaxy S10 S10 Plus Yaklao ຢາກເລົ່າ Samsung Galaxy S10 S10 Plus Yaklao ຢາກເລົ່າ

4. ຈໍລຸ້ນໃໝ່ແຈ່ມກວ່າເກົ່າ

Galaxy S10 ແລະ S10 Plus ມາພ້ອມກັບຈໍໃໝ່ QHD+ AMOLED ທີ່ສົດໃສ ສົມຈິງ ສະບາຍຕາ ເບິ່ງແລ້ວໃຫ້ປະສົບການທີ່ຄຸ້ມຄ່າ  ຄຸ້ມລາຄາ ເໝາະກັບສາຍເກມ ແລະ ສາຍເບຶ່ງຮູບເງົາແນ່ນອນ ເພາະຈໍໃຫຍ່ສະໃຈດີກັບ Galaxy S10 Plus ທີ່ມີຂະໜາດ 6,4ນິ້ວ ໄຮ້ຂອບ ແລະ ຕິ່ງມາກວນໃຈ.

Samsung Galaxy S10 S10 Plus Yaklao ຢາກເລົ່າ Samsung Galaxy S10 S10 Plus Yaklao ຢາກເລົ່າ

5. ລະບົບສະແກນລາຍນິ້ວໃໝ່

Samsung ໄດ້ຕັດລະບົບສະແກນມ້ານຕາອອກ ແລ້ວມາເນັ້ນພັດທະນາລະບົບສະການລາຍນິ້ວມື້ແບບໃໝ່ທີ່ໃຊ້ຄື້ນສຽງແທນຄືແສງ ເອີ້ນວ່າ Ultrasonic Finger Print Scan ໂດຍຈະອາໄສສັນຍານສຽງແທນ. ເຮັດໃຫ້ສາມາດສະແກນໄດ້ຕະຫຼອດບໍ່ວ່ານິ້ວມືຈະຢູ່ໃນສະຖານະການປຽກ ຫຼື ເປື້ອນຟຸ່ນ.

 

ນັ້ນຄືສິ່ງທີ່ແອັດໄດ້ໄປສຳພັດມາທີ່ຮ້ານ Samsung LTH ເຊິ່ງເພິ່ນບອກວ່າເຄື່ອງແທ້ຈະມາວັນທີ 8 ມີນາ 2019 ນີ້. ເຊິ່ງໃຜຢາກໄປສັ່ງຈອງກໍສາມາດໄປສັ່ງຈອງໄດ້ເລີຍ.

ຂໍຂອບໃຈ Samsung LTH ທີ່ໃຫ້ໄປສຳພັດ ແລະ ສອບຖາມຂໍ້ມູນທັງໝົດ.

ປະກອບຄຳເຫັນ

This site uses Akismet to reduce spam. Learn how your comment data is processed.

%d bloggers like this: