ລວມ 5 ສູດເຄື່ອງດື່ມໄວ້ສະຫຼອງສົງການ ທີ່ສຳຄັນບໍ່ເມົາ - Yaklao.com
31/03/2019 ລວມ 5 ສູດເຄື່ອງດື່ມໄວ້ສະຫຼອງສົງການ ທີ່ສຳຄັນບໍ່ເມົາ

ລວມ 5 ສູດເຄື່ອງດື່ມໄວ້ສະຫຼອງສົງການ ທີ່ສຳຄັນບໍ່ເມົາ


ສົງການນີ້ ຖ້າຫາກຍັງຄິດຫາເຄື່ອງດື່ມບໍ່ອອກ yaklao.com ຂໍແນະນຳເຄື່ອງດື່ມປະສົມໄວ້ດື່ມຕອນປີໃໝ່ ຫອມ ຫວານ ແຊບ ບໍ່ເມົາ ແຕ່ຖ້າຢາກເມົາກໍຕື່ມນໍ້າເມົາໃສ່ໄດ້ເລີຍຕາມໃຈ ແຕ່ການປະສົມຢ່າໄປປະສົມເຄື່ອມດື່ມຊູກຳລັງໃສ່ກັບທາດເຫຼົ້າເດີ້ ດຽວຮ່າງກາຍຈະພັງພິນາດສາກ່ອນ.

ອຸປະກອນທີ່ຈະຕ້ອງກຽມ

  • ຈອກຕວງ
  • Shaker (ບໍ່ມີກໍໄດ້)
  • ຈອກທົ່ວໄປ ຫຼື ຊິລາຍງາມໆກໍໄດ້
  • ບ່ວງນ້ອຍ
  • ມີດ

ສ່ວນປະສົມທີ່ຈະຕ້ອງມີ

  • ນໍ້າໝາກໄມ້ສະກັດ ແນະນຳຂອງ DingFong
  • ໂຊດາແຊ່ເຢັນ
  • ໝາກນາວໜ່ວຍໃຫຍ່ນໍ້າຫຼາຍ (ຢ່າຄັ້ນໄວ້ ຫຼື ຢ່າໃຊ້ນໍ້າໝາກນາວສຳເລັດຮູບ)
  • ເກືອ
  • ໝາກໄມ້ໄວ້ຕົກບແຕ່ງ
  • ໃບ Mint (ຫອມລາບໃບໃຫຍ່) ໄວ້ຕອບແຕ່ງ
  • ນໍ້າກ້ອນຫຼອດນ້ອຍ
  • ນໍ້າເຊື່ອມ (ນໍ້າຕານຕົ້ມ)

ສູດທີ 1: Italian Soda

1 ຖອກນໍ້າໝາກໄມ້ສະກັດຕາມໃຈ 2 ຈອກຊ໊ອດໃສ່ຈອກ
2 ບີບໝາກນາວໃສ່ເຄິ່ງໜ່ວຍ (ຖ້າມັກສົ້ມຫຼາຍກໍໃສ່ໝົດໜ່ວຍ)
3 ຄົນໃຫ້ເຂົ້າກັນ
4 ຕາມດ້ວຍນໍ້າກ້ອນຈົນເຕັມຈອກ
5 ສຸດທ້າຍຖອກໂຊດາໃສ່ ຕົບແຕ່ງສວຍງາມ ເສີບໄດ້ທັນທີ
ໝາຍເຫດ: ສາມາດປະສົມເຫຼົາໃສ່ແລ້ວຄົນໃຫ້ເຂົ້າກັນ ຫຼື ຈະລາດເຫຼົ້າທາງເທິງໂຊດາກໍໄດ້

ສູດທີ 2: Rainbow Soda

  1. ປະສົມນໍ້າໄວ້ກ່ອນ
    ຊັ້ນລຸ່ມ: ນໍ້າສະຕໍເບີຣີ ແລະ ໂຊດາຢ່າງລະເຄິ່ງຊ໊ອດ
    ຊັ້ນກາງ: ນໍ້າສະກີວີ 1 ຊ໊ອດ ແລະ ໂຊດາເຄິ່ງຊ໊ອດ
    ຊັ້ນເທິງ: ນໍ້າເບີຣີ 1,5 ຊ໊ອດ ແລະ ໂຊດາເຄິ່ງຊ໊ອດ
  2. ນໍ້າທີ່ປະສົມຊັ້ນລຸ່ມລົງຈອກກ່ອນ ແລ້ວຕື່ມນໍ້າກ້ອນໃສ່ເຄິ່ງຈອກ
  3. ຖອກນໍ້າທີ່ປະສົມຊັ້ນກາງລົງໄປ ແລ້ວຕື່ມນໍ້ກ້ອນຈົນເຕັມຈອກ
    4.​ ຖອກນໍ້າທີ່ປະສົມຊັ້ນເທິງລົງໄປ
  4. ບີບໝາກນາວອັດໃສ່ທາງເທິງ ແລ້ວເສີບດື່ມໄດ້ທັນທີ ບໍ່ຕ້ອງຄົນ
    ໝາຍເຫດ 1: ເວລາຖອກຊັ້ນກາງກັບເທິງ ແມ່ນໃຫ້ຄ່ອຍໆຖອກ ບໍ່ຊັ້ນນໍ້າຈະປະສົມກັນ
    ໝາຍເຫດ 2: ຖ້າຢາກເມົາກໍເອົາເຫຼົ້າລາດທາງເທິງສຸດເລີຍ

ສູດທີ 3: Mix Mocktail

  1. ຖອກນໍ້າແອັບເປິ້ນ, ນໍ້າໝາກກ້ຽງ, ນໍ້າເຊື່ອມ ຢ່າງລະເຄິ່ງຊ໊ອດໃສ່ shaker ຕາມດ້ວຍເກືອປະມານ 2 ເມັດ
  2. ເຕີມນໍ້າກ້ອນເຄິ່ງໜຶ່ງ ອັດຝາແລ້ວສັ່ນໆ (ເປີດເພງໄປນຳຈະມ່ວນສຸດ)
  3. ຖອກໃສ່ຈອກ ຕົບແຕ່ງດ້ວຍໝາກໄມ້ໃຫ້ສວຍງາມ
  4. ເຕີມໂຊດາໃສ່ດ້ານເທິງ
    ໝາຍເຫດ: ຖ້າຢາກໃຫ້ເປັນ Cocktail ກໍເຕີມເຫຼົ້າໄດ້

ສູດທີ 4: Mix Mint

  1. ໃບມິ້ນ 3-4ໃບ ແລະ ນໍ້າເຊື່ອມໃສ່ ໃນ shaker ຕາມດ້ວຍເກືອປະມານ 2 ເມັດ
  2. ເຕີມນໍ້າກ້ອນເຄິ່ງໜຶ່ງ ແລ້ວສັ່ນໆ
  3. ຖອກໃສ່ຈອກເສີບທັນທີ
  4. ເຕີມໂຊດາໃສ່ດ້ານເທິງ

ສູດທີ 5: Mix Punch

  1. ໝາກແອັບເປິ້ນ, ໝາກກິວີ, ໝາກມັງກອນ ຝານບາງໆ ປະລິມານຕາມໃຈໃສ່ຂວດໂຫຼ
  2. ປະສົມນໍ້າແອັບປິ້ນສຳເລັດຮູບ ແລະ ນໍ້າໝາກກ້ຽງ ຖອກໃສ່ຈົນຖ້ວມໝາກໄມ້
  3. ຕາມດ້ວຍເຂົ້າໝົມ Jelly ຕາມໃຈ ເພື່ອໃຫ້ມີແນວຄົບຄ້ຽວ
    ຕັກເສີບໄດ້ສະບາຍ ຫຼື ອາດຈະເຕີມໂຊດາໃສ່ຈອກເວລາເສີບ ຈະໄດ້ຊູ້ຊ້າ
    ໝາຍເຫດ: ຢາກຕື່ມເຫຼົ້າກໍຕື່ມໄດ້ເລີຍ

ຄຳເຕືອນ:
ການດື່ມສຸລາເຮັດໃຫ້ຄວາມສາມາດໃນການຄວບຄຸມພາຫະນະຫຼົດລົງ
ເມົາແລ້ວຢ່າຂັບ


Leave a Reply

Your email address will not be published.

This site uses Akismet to reduce spam. Learn how your comment data is processed.