ພາທ່ຽວ ສາລາແກ້ວກູ່

By on
ພາທ່ຽວ ສາລາແກ້ວກູ່

ມື້ນີ້ເວັບ ຢາກເລົ່າ ພາທ່ຽວ ສາລາແກ້ວກູ່ ຢູ່ໄກ້ໆກັບນະຄອນຫຼວງວຽງຈັນເຮົານີ້ເອງ.

yaklao ພາທ່ຽວ ສາລາແກ້ວກູ່

ປະຕູທາງເຂົ້າ ສາລາແກ້ວກູ່ ມີລາຄາປີ ແລະ ຄົນເກັບປີ້ ພ້ອມກັບລັກຖ່າຍຮູບເຮົາ ຫະຫະຫະ

ສາສະໜາ-ຄວາມເຊື່ອ-ຄວາມສັດທາ ເປັນສິ່ງທີ່ຂາດອອກຈາກກັນບໍ່ໄດ້ ດັ່ງເຊັ່ນທີ່ເຫັນໃນຫຼາຍໆປະເທດ ບໍ່ວ່າຈະສາສະໜາໃດກໍຕາມແຕ່ ລ້ວນແຕ່ຕ້ອງມີຄວາມເຊື່ອ ແລະ ຄວາມສັດທາເຂົ້າມາກ່ຽວຂ້ອງທັງນັ້ນ ດັ່ງທີ່ເຫັນໃນ ສາລາແກ້ວກູ່.

ສະຖານທີ່ທີ່ yaklao.com ຈະມາແນະນຳໃນມື້ນີ້ ແມ່ນສາລາແກ້ວກູ່ ຕັ້ງຢູ່ໃນຈັງຫວັດໜອງຄາຍ ປະເທດໄທ ເດີນທາງອອກຈາກດ່ານມິດຕະພາບ ລາວ-ໄທ ໄດ້ປະມານ 30 ນາທີ ທ່ານກໍຈະມາພົບກັບ ສາລາແກ້ວກູ່ ທີ່ເປັນສະຖານທີ່ລວມສູນບັນດາສາສະໜານິກາຍຕ່າາເອົາໄວ້ຢ່າງຄົບຮູບແບບ.
ສາລາແກ້ວກູ່ ສ້າງໂດຍ ພໍ່ປູ່ ບຸນເຫຼືອ ສຸຣິຣັດ ຫຼື ປູ່ເຫຼືອ ເມື່ອປີ ພ.ສ 2521 (ຄ.ສ 1979) ໂດຍກ່ອນໜ້ານັ້ນ ປູ່ເຫຼືອ ໄດ້ສ້າງ ສວນວັດທະນະທຳຊຽງຄວນ ຫຼື ວັດຊຽງຄວນ ທີ່ປະເທດລາວ ຊ່ວງປີ ພ.ສ 2501 (ຄ.ສ 1958) ຫຼັງຈາກນັ້ນເພິ່ນໄດ້ຍ້າຍໄປທີ່ປະເທດໄທ ແລ້ວສ້າງ ສາລາແກ້ວກູ່ ຂຶ້ນມາ ສັງເກດໄດ້ຈາກປະຕິມາກຳຮູບແບບການກໍ່ສ້າງຈະມີລັກສະນະດຽວກັນ.

ຍ່າງເຂົ້າມາກໍພົບຍັກ ຣາຫູລ ອົມຈັນ

 

ພາທ່ຽວ-ສາລາແກ້ວກູ່

ບັນດາເທວະໄລ

 

ພາທ່ຽວ-ສາລາແກ້ວກູ່

ມີນາກປົກພ້ອມ

 

ພາທ່ຽວ-ສາລາແກ້ວກູ່

ພະພຸດທະເຈົ້າ ປາງນາກປົກ ເປັນປະຕິມາກຳທີ່ສວຍງາມຫຼາຍ

 

ພາທ່ຽວ-ສາລາແກ້ວກູ່

ພະປາງນີ້ຄ້າຍໆແອັດມິນ ອ້ວນໆດີ

 

 

 

ພາທ່ຽວ-ສາລາແກ້ວກູ່

ເຈົ້າຊາຍສີທັດທະ ກຳລັງສະເດັດອອກບວດ

 

ທີ່ ສາລາແກ້ວກູ່ ນັ້ນຖືວ່າມີບັນດາເທວະໄລຮູບແບບຕ່າງໆຫຼາກຫຼາຍ ບໍ່ວ່າຈະເປັນ ພະນາກປົກ, ພະໂພທິສັດ, ພະພິຄະເນດ, ເຈົ້າແມ່ກາລີ, ເຈົ້າແມ່ກວນອິມ ແລະ ຣາມມະກຽນເປັນຕົ້ນ.

ພາທ່ຽວ-ສາລາແກ້ວກູ່

ເຈົ້າຊາຍສີທັດທະ ກຳລັງຈຳສິນອົດກັບບັນດາລືສີທັງຫຼາຍ ແລ້ວພະພົມກໍມາດີພິນ ແລ້ວເພິ່ນກໍຄົ້ນພົບສາຍກາງ ທີ່ບໍ່ເຂັ່ງບໍ່ຍານ ຈົນເກີນໄປ

 

ຮູບປັດແຕ່ລະອັນຈະມີໂຕໜັງສືສະລັກຢ່າງວິຈິດບັນຈົງ ຂຽນຄຳອະທິບາຍທີ່ມາ, ຕົ້ນກຳເນີດ ຫຼື ເລື່ອງລາວຂອງເທວະໄລແຕ່ລະອົງ ລວມເຖິງພະສຳມາສຳພຸດທະເຈົ້າໃນແຕ່ລະຊາດ ວ່າມີເລື່ອງລາວຄືແນວໃດ ເຊິ່ງເຮົາສາມາດອ່ານ ແລະ ເພີດເພີນໄປກັບສິ່ງທີ່ເພິ່ນເລົ່າພ້ອມກັບຮຽນຮູ້ທຳມະໄປໃນໂຕເລີຍ

ພາທ່ຽວ-ສາລາແກ້ວກູ່

ບັນດາເທວະໄລຕ່າງໆໃນສາລາແກ້ວກູ່

 

ສາລາແກ້ວກູ່ ຖືກສ້າງມາຈາກສັດທາອັນແຮງກ້າຂອງ ປູ່ເຫຼືອ ທຸກສິ່ງທຸກຢ່າງລ້ວນມາຈາກຄວາມເຊື່ອຂອງເພິ່ນໃນບັນດາສາສະໜານິກາຍຕ່າງໆ ທີ່ເພິ່ນເຊື່ອ ແລະ ນັບຖື

 

ພາທ່ຽວ-ສາລາແກ້ວກູ່

 

ພາທ່ຽວ-ສາລາແກ້ວກູ່

ບ່ອນທີ່ເພິ່ນເກັບສົບຂອງ ປູ່ເຫຼືອ ທີ່ບໍ່ເນົ່າ ບໍ່ເປື່ອຍ ຢູ່ເທິງຊັ້ນສາມ

ສາລາແກ້ວກູ່ ມີຮູບປັ້ນເທວະໄລຢູ່ປະມານ 208 ອົງ ແລະ ມີຫຼາຍອົງທີ່ສູງທຽບເທົ່າກັບຕຶກ 3 ຊັ້ນ (10 ກວ່າແມັດ)

ການເດີນທາງໄປທີ່ ສາລາແກ້ວກູ່ ກໍບໍ່ຍາກ ພຽງແຕ່ອອກຈາກດ່ານມິຕະພາບ ໜອງຄາຍ ມາກໍລ້ຽວຊ້າຍທີ່ໄຟແດງທຳອິດ ຂັບຕົງມາເລື້ອຍໆກໍຈະເຫັນປ້າຍ ສາລາແກ້ວກູ່ ຈາກນັ້ນກໍໃຫ້ໄປຕາມປ້າຍ ແລ້ວກັບລົດມາທີ່ ອຳເພີເມືອງ ກໍຈະເປັນປ້າຍປາກຮ່ອມ ສາລາແກ້ວກູ່ ເຊິ່ງຂັບເຂົ້າໄປປະມາ 500ແມັດ ກໍຈະເຫັນທັນທີ.

ເກັດຄວາມຮູ້

ຄຳວ່າ “ແກ້ວກູ່” ໝາຍເຖິງ ສາລາແກ້ວ ເພາະ ກູ່ ໝາຍເຖິງ ກຸດຕິ, ອາວາດ ຫຼື ສາລາ. ສະນັ້ນ ຖ້າຈະເອີ້ນໃຫ້ຖືກ ແມ່ນຕ້ອງເອີ້ນວ່າ ສາລາແກ້ວ ຈຶ່ງຈະຖືກຕ້ອງ

ຊ່ວຍກົດ Like ກົດ Share ເພື່ອເປັນກຳລັງໃຈໃຫ້ທີມງານຂອງເຮົາແດ່ເດີ້ ເລັກໆນ້ອຍໆກໍຍັງດີ

Leave a Reply

Your email address will not be published. Required fields are marked *