14/07/2018 ຣີວິວ ສະມາດໂຟນ Huawei P20 Lite (Nova 3e) ລາຄາບໍ່ຮອດ $300

ຣີວິວ ສະມາດໂຟນ Huawei P20 Lite (Nova 3e) ລາຄາບໍ່ຮອດ $300

Huawei P20 Lite (Nova 3e) ເປັນສະມາດໂຟນລຸ້ນນ້ອຍ ຈາກ Huawei ໃນຕະກູນ P ເຊິ່ງມີ P20 Pro ເປັນອ້າຍໃຫຍ່ສຸດ, P20 ເປັນອ້າຍຄົນກາງ ແລະ P20 Lite ເປັນນ້ອງຫຼ້າ ເປີດໂຕເມື່ອຊ່ວງເດືອນມີນາ ທີ່ຜ່ານມາ ໃນລາຄາສະບາຍກະເປົ໋າ USD295.

mxphone.net

Huawei P20 Lite Looks and Feels

Huawei P20 Lite ມາພ້ອມກ້ອງຄູ່ແບບຕັ້ງ ຂະໜາດຈໍກວ້າງ 5,84-ນິ້ວ, 2280×1080-pixel ໜ້າຈໍມີຮອຍແວ່ງຢູ່ດ້ານເທິງຕາມກະແສນິຍົມ ແລະ ມີໂລໂກ້ Huaweiຢູ່ດ້ານລຸ່ມ. ນອກນັ້ນ, ຍັງມາພ້ອມກັບ Face Unlocking ທີ່ສາມາດບົດລ໊ອກໂທລະສັບດ້ວຍໃບໜ້າຂອງທ່ານ ພຽງແຕ່ຍົກໂທລະສັບຂຶ້ນມາມັນກໍປົດລ໊ອກໃຫ້ທັນທີ ຊະນິດທີ່ວ່າໄວຈົນບໍ່ຮູ້ສຶກວ່າລ໊ອກໂທລະສັບໄວ້ເລີຍລະ. ແຕ່ຕາມທີ່ທາງ Android ໄດ້ລະບຸໄວ້ ການປົດລ໊ອກດ້ວຍໃບໜ້ານີ້ສາມາເຮັດໄດ້ສະເພາະການປົກລ໊ອກໂທລະສັບເທົ່ານັ້ນ ບໍ່ສາມາດໃຊ້ໃນການດຳເນີນທຸລະກຳການເງິນ ບໍ່ຄືກັບລາຍນິ້ວມື.

mxphone.net

ສ່ວນດ້ານຫຼັງກໍມີຄວາມເງົາງາມ ເບິ່ງຫຼູຫຼາມີລະດັບ. ດ້ານໃນມີເສົາອາກາດຕິດໄວ້ທີ່ຝາເຄື່ອງ. ມີເຊັນເຊີສະແກນລາຍນິ້ວມືທີ່ເປັນສີດຽວກັນກັບຝາດ້ານຫຼັງ. ມີ 3 ສີໃຫ້ເລືອກຄື ຟ້າ, ບົວ, ດຳ, ທອງ.

consumer.huawei.com

Huawei P20 Lite ມາພ້ອມລະບົບປະຕິບັດການ Android 8.0 Oreo ທີ່ມີ EMUI 8.0 ຄອບຄຸມໄວ້ອີກເທື່ອໜຶ່ງ ເຊິ່ງແນ່ນອນມັນກໍອາດຈະໜ່ວງໆນ້ອຍໜຶ່ງ ມີເຄື່ອງໄມ້ເຄື່ອງມືທີ່ຫຼາຍ ຈົນບາງເທື່ອກະອົດຄິດບໍ່ໄດ້ວ່າຈະເອົາມັນມາໃຊ້ຫຍັງ ເພາະບາງອັນກໍບໍ່ໄດ້ໃຊ້ ບໍ່ຄືກັນກັບ Pure Android ທີ່ລຽບໆງ່າຍ ລຽບຈົນບໍ່ມີເຄື່ອງມືຫຍັງເລີຍ

Huawei P20 Lite ບໍ່ໄວ ແຕ່ກໍບໍ່ຊ້າ ມັນອາດຈະໜ່ວງໆເລັກນ້ອຍ ຕາມສະຕາຍຂອງ Android ທີມີ UI ອື່ນມາຄອບ. ສາມາດນຳມາຫຼິ້ນເກມ 3ມິຕິ ຢ່າງພຽງພໍ, ສຳລັບເກມທີ່ຕ້ອງການ ແຣມ ສູງໆຄືພວກ PUBG , ROS, FreeFire ພວກນີ້ອາດຈະຕ້ອງໄດ້ປັບຄວາມລະອຽດລົງເປັນຕ່ຳທີ່ສຸດຈຶ່ງສາມາດຫຼິ້ນໄດ້ບໍ່ກະຕຸກ.

ດ້ານແບັດເຕີຣິ Huawei P20 Lite ກໍອັດມາພຽງແຕ່ 3000mAh ເຊິ່ງກໍມີພຽງພໍຕໍ່ການໃຊ້ງານ ແຕ່ຢູ່ໄດ້ບໍ່ໝົດມື້ ຖ້າຫາກວ່າເຮົາເປີດດາຕາ ຫຼິ້້ນເກມ. ແຕ່ຖ້າຫາກວ່າເປັນການໃຊ້ງານທົ່ວໆໄປ, ຟັງເພງ, Faceboook, IG ພວກນີ້ກໍນ່າຈະພຽງພໍຢູ່

Huawei P20 Lite ກັບກ້ອງທີ່ຄຸ້ມລາຄາ

ດັ່ງທີ່ຮູ້ກັນແລ້ວວ່າຕະກູນ P ຈາກທາງ Huawei ຈະມາພ້ອມກັບກ້ອງເທບໆ. ນ້ອງຫຼ້າຢ່າງ P20 Lite ຈະມາພ້ອມກັບກ້ອງຫຼັງຄູ່ 16-megapixel, ກ້ອງໜ້າ 2-megapixel ເຊິ່ງໃຫ້ຜົນທີ່ດີຫຼາຍເມື່ອທຽບກັບລາຄາ ແຕ່ອາດຈະບໍ່ເທົ່າກັບ 2 ອ້າຍໃຫຍ່ P20 ແລະ P20 Pro. ດ້ວຍເທັກໂນໂລຊີປັນຍາປະຕິດ (AI integrated) ທີ່ຝັງມາກັບກ້ອງຂອງລຸ້ນອ້າຍ ຈຶ່ງເຮັດໃຫ້ເຮົາສາມາດຖ່າຍຮູບມາ ແລ້ວລະບົບປັນຍາປະດິດ ຈະຊ່ວຍແກ້ໄຂພາບໃຫ້ດູດີຂຶ້ນ. ແຕ່ສະລັບນ້ອງນ້ອຍ P20 Lite ຊໍ້າພັດບໍ່ມີມານຳ (ເສຍໃຈເລັກນ້ອຍ) ແຕ່ການຖ່າຍຮູບມັນຂຶ້ນນໍາຄົນນິ ບໍ່ແມ່ນອຸປະກອນ.

cnet.com
ພາບກາງຄືກໍດູດີຢູ່ໄດ໋ເນາະ cnet.com
cnet.com
ລອງຖ່າຍໃກ້ ເອີ້…ມັນກໍເບີຫຼັງໄດ້ ເບີວ່າຣັກແທບ-ແບບວ່າຣັກເທີ cnet.com
cnet.com
ພາບຍາມມືດມິດ Contrast ກໍຈະຕົກໆໄປແດ່ cnet.com

ສະຫຼຸບ Huawei P20 Lite

Huawei P20 Lite ເປັນໂທລະສັບລາຄາສະບາຍກະເປົ໋າ ທີ່ມາພ້ອມເທັກໂນໂລຊີປົດລ໊ອກດ້ວຍໃບໜ້າ, ພາບລັກດ້ານນອກດູດີມີລະດັບ ສວຍງາມເບິ່ງແລ້ວເປັນຕາຢາກໄດ້ມາຄອບຄອງ. ມີກ້ອງ 16ລ້ານພິກເຊວ ທີ່ຖ່າຍມາແລ້ວສາມາດຊັດໜ້າເບີຫຼັງໄດ້ ຖ່າຍກາງຄືນພໍໃຊ້ໄດ້ ແຕ່ບໍ່ເຖິງກັບດີຫຼາຍ ສ່ວນຖ້າສາວໆຄິດຈະຊື້ມາເຊວຟີ ຄົງຈະບໍ່ເໝາະປານໃດ ເພາະກ້ອງໜ້າ 2ລ້ານພິກເຊວ ຢາກວ່າບໍ່ພຽງພໍຢ່າງແນ່ນອນ.

Huawei P20 Lite ເປັນໂທລະສັບທີ່ຄຸ້ມລາຄາ
“ຟັນທຸງ”

ຂໍຂອບໃຈຂໍ້ມູນຈາກ Credit: cenet.com, consumer.huawei.com

ຕິດຕາມຂໍ້ມູນເທັກໂນໂລຊີທີ່ໜ້າສົນໃຈໄດ້ທີ່ Yaklao.com ຫຼື Facebook Yaklao

ປະກອບຄຳເຫັນ

This site uses Akismet to reduce spam. Learn how your comment data is processed.

%d bloggers like this: