fbpx
21/08/2019 ຊາຜົ້ງສາລີ ໄດ້ຮັບລາງວັນຊະນະເລີດ ອັນດັບ 1 ໃນງານແຂ່ງຂັນຊາສາກົນ 2019

ຊາຜົ້ງສາລີ ໄດ້ຮັບລາງວັນຊະນະເລີດ ອັນດັບ 1 ໃນງານແຂ່ງຂັນຊາສາກົນ 2019


ເປັນດັ່ງທີ່ຮູ້ກັນດີແລ້ວວ່າ ຊາຜົ້ງສາລີ ເປັນຊາທີ່ໄດ້ຮັບຄວາມນິຍົມສູງໃນປະເທດລາວເຮົາ ແລະ ໄດ້ຮັບຄວາມນິຍົມມາຢ່າງຍາວນານ ເຊິ່ງໃນວັນທີ 17 ສິງຫາ 2019 ກໍໄດ້ຮັບລາງວັນ ຊະນະເລີດ ອັນດັບ 1 ໃນງານແຂ່ງຂັນ ຊາສາກົນ 2019 ທີ່ ຮົງກົງ.

ລາງວັນຊະນະເລີດໃນຄັ້ງນີ້ແມ່ນການແຂ່ງຂັນຊາໃນສາຍຊາ ພູເອີ (Puer – 普洱) ເຊິ່ງເປັນຊາຈາກ ໂຮງງານ ຊາແສງຄຳ ແຂວງ ຜົ້ງສາລີ.

ການແຂ່ງຂັນໃນຄັ້ງນີ້ແມ່ນຈັດຂຶ້ນໃນງານວາງສະແດງສິນຄ້າຢູ່ທີ່ ຮົງກົງ ເຊິ່ງມີ 7 ປະເທດເຂົ້າຮ່ວມ ເຊິ່ງຈັດວາງສະແດງຢູ່ທີ່ Hong Kong Convention and Exhibition Centre

ຊາຜົ້ງສາລີ ໄດ້ຮັບລາງວັນຊະນະເລີດ ອັນດັບ 1 ໃນງານແຂ່ງຂັນຊາສາກົນ 2019
ຊາຜົ້ງສາລີ ໄດ້ຮັບລາງວັນຊະນະເລີດ ອັນດັບ 1 ໃນງານແຂ່ງຂັນຊາສາກົນ 2019

ຊາ ພູເອີ ເປັນຊາທີ່ນິຍົມປູກຫຼາຍໃນ ເມືອງ ພູເອີ ແຂວງ ຢູນນານ ປະເທດຈີນ ມີສ່ວນປະສົມຂອງ ຄາເຟອີນ ເຊິ່ງມີຜົນດີຕໍ່ສຸຂະພາບ ເຮັດໃຫ້ຫົວໃຈເຕັ້ນດີຂຶ້ນ ເພີ່ມພະລັງງານ ເໝາະສຳລັບດື່ມໃນຕອນເຊົ້າ ແລະ ຕອນທ່ຽງ ນອກຈາກນັ້ນຍັງຊ່ວຍໃນຂະບວນການຍ່ອຍສະຫຼາຍ ເຮັດໃຫ້ຂັບຖ່າຍສະດວກຂຶ້ນ.

ກິ່ນຫອມຂອງຊາພູເອີ ຍັງຊ່ວຍໃຫ້ເຮົາມີອາລົມຈິດທີ່ດີຂຶ້ນ ຫຼຸດຜ່ອນຄວາມຕຶງຄຽດ ແລະ ຍັງເພີ່ມພູມຕ້ານທານໃນຮ່າງກາຍເພາະມີສານຕ້ານອານຸມູນອິດສະລະ ແລະ ວິຕາມິນຊີ ເຮັດໃຫ້ສຸຂະພາບແຂງແຮງ ບໍ່ເຈັບໄຂ້ໄດ້ປ່ວຍ.

ຊາຜົ້ງສາລີ ໄດ້ຮັບລາງວັນຊະນະເລີດ ອັນດັບ 1 ໃນງານແຂ່ງຂັນຊາສາກົນ 2019 yaklao ຢາກເລົ່າ
ຊາຜົ້ງສາລີ ໄດ້ຮັບລາງວັນຊະນະເລີດ ອັນດັບ 1 ໃນງານແຂ່ງຂັນຊາສາກົນ 2019

ທີ່ມາ ແລະ ຮູບພາບຈາກ Ni Nampanya 


ປະກອບຄຳເຫັນ

This site uses Akismet to reduce spam. Learn how your comment data is processed.